Read ბიბლია მეორე ეზრა 7 Bible Online

მეორე ეზრა 7 - ბიბლია bible

მეორე ეზრა 7

¹მაშინ სისინესი, კელესირიისა და ფინიკიის გამგებელი, სათრაბუზანესი და მათი თანამდგომნი, დარიოს მეფის ბრძანებისამებრ,

²სათავეში ჩაუდგნენ ამ წმიდა საქმეს და შემწეობას არ აკლებდნენ იუდაელ უხუცესებსა და მღვდელთმთავრებს.

³ასე რომ, წარმატებით წარიმართა წმიდა საქმე ანგია და ზაქარია წინასწარმეტყველთა წინასწარმეტყველებით.

⁴და აღასრულეს ყოველივე უფლის, ისრაელის ღმერთის, განგებით;

⁵კვიროსის, დარიოსისა და არტაქსერქსეს — სპარსელ მეფეთა — ნებით დასრულდა წმიდა სახლი ადარის თვის ოცდამესამე დღეს, დარიოსის მეფობის მეექვსე წელს.

⁶ყველაფერი აღასრულეს ისე, როგორც სწერია მოსეს წიგნში, ისრაელიანებმა და მღვდლებმა, ლევიანებმა და ტყვეობიდან დაბრუნებულმა მათმა დანარჩენმა თანამდგომებმა.

⁷უფლის ტაძარს სატფურებისთვის შესწირეს ასი კურატი, ორასი ვერძი და ოთხასი კრავი;

⁸და თორმეტი თხა — ისრაელის ცოდვებისათვის, ისრაელის თორმეტი ტომის მთავართა რიცხვის მიხედვით.

⁹იდგნენ შემოსილი მღვდლები და ლევიანები, ტომთა მიხედვით, უფლის, ისრაელის ღმერთის, წინაშე, თანახმად მოსეს წიგნისა, და მეკარენი თვითეულ ბჭესთან;

¹⁰გაამზადეს ტყვეობიდან დაბრუნებულმა ისრაელიანებმა პასექი პირველი თვის მეთოთხმეტე დღეს, რათა ერთად განწმენდილიყვნენ მღვდლები და ლევიანები.

¹¹ტყვეობიდან დაბრუნებული ყველა ისრაელიანი არ გაწმენდილა, რადგანაც ყველა ლევიანი განიწმიდა ერთად.

¹²და შესწირეს პასექი ტყვეობის ყველა ძესა და თავიანთ ძმებს, მღვდლებსა და თავიანთ თავს.

¹³და ჭამა ტყვეობიდან დაბრუნებულმა ისრაელის ყველა ძემ, ქვეყნიერების ხალხთა სიბილწისგან განდგომილმა და უფლის მძებნელმა.

¹⁴შვიდი დღე ზეიმობდნენ უფუარობის დღესასწაულს და ხარობდნენ უფლის წინაშე,

¹⁵რომელმაც აშურელთა მეფეს შეაცვლევინა გადაწყვეტილება მათ მიმართ, რათა უფლის, ისრაელის ღმერთის, საქმეთათვის განემტკიცებინა მათი ხელი.