Read ბიბლია იობ. 12 Bible Online

იობ. 12 - ბიბლია bible

იობ. 12

¹და მიუგო იობმა და თქვა:

²„ჭეშმარიტად, ხალხი მხოლოდ თქვენა ხართ, და სიბრძნე თქვენთან ერთად მოკვდება.

³მეც თქვენსავით მაქვს გონება, თქვენზე ნაკლები არც მე ვარ. და ვინ არ იცის ეს ყოველივე?

⁴მოყვასის დასაცინი შევიქენი, მე, ღვთისმხმობელი და მისგან პასუხის მიმღები. დასაცინი შევიქენი, მართალი და უმწიკვლო.

⁵გალაღებულ კაცს ზიზღი აქვს მარცხისა, როგორც ფეხდასხლეტილის ხვედრისა.

⁶მყუდროება სუფევს მძარცველთა კარვებში, უშიშრად არიან ღვთის განმარისხებელნი, ვინც ღმერთი მოიყვანა თავისი ხელით.

⁷აბა ჰკითხე პირუტყვს და ის გასწავლის, და ცის ფრინველს და ის გეტყვის.

⁸ან მიწას გაესაუბრე და ის გასწავლის, და მოგახსენებენ ზღვის თევზები.

⁹ვინ არ იცის ამათ შორის, რომ ღვთის ხელმა შექმნა ეს?

¹⁰მის ხელთაა ყველა სულდგმულის სული, და

¹¹განა ყური არ განარჩევს სიტყვებს? განა სასა არ გრძნობს საჭმლის გემოს?

¹²სიბრძნე მოხუცებშია და გონება — დღეგრძელებში.

¹³ღმერთთანაა სიბრძნე და ძალი, მასთანაა რჩევა და გონება.

¹⁴აჰა, დაანგრევს და ვეღარ აშენდება, დაამწყვდევს კაცს და ვეღარ გამოიხსნება.

¹⁵აჰა, შეაკავებს წყლებს და დაშრებიან, გამოუშვებს მათ და გადახრავენ მიწას.

¹⁶მასთანაა ძალი და ნამდვილი სიბრძნე, მისია მოტყუებული და მომტყუებელი.

¹⁷ტყვედ მიჰყავს მრჩეველნი და მსაჯულებს აბრიყვებს.

¹⁸ბორკილებს აყრევინებს მეფეებს და წელზე სარტყელს არტყამს.

¹⁹ფეხშიშველი მიჰყავს მღვდლები, და ამხობს ძლიერებს.

²⁰ართმევს მეტყველებას თავდაჯერებულთ და გამჭრიახობას — უხუცესებს.

²¹დამცირებას ანთხევს დიდებულებზე და ძლიერთა სარტყელს ასუსტებს.

²²აცხადებს იდუმალებებს ბნელიდან და სიკვილის აჩრდილი სინათლეზე გამოჰყავს.

²³განადიდებს ხალხებს და ანადგურებს, განავრცობს ხალხებს და მიუძღვის მათ.

²⁴გონებას ურევს ქვეყნის ხალხთა თავკაცებს და უგზო-უკვლო უდაბნოში ახეტიალებს.

²⁵ხელისცეცებით დადიან ბნელში უსინათლოდ და მთვრალებივით დაბორიალობენ!“