Read ბიბლია იობ. 33 Bible Online

იობ. 33 - ბიბლია bible

იობ. 33

¹„აბა, ახლა ისმინე, იობ, ჩემი სიტყვები და ყური მიუგდე ჩემს ყოველ სიტყვას.

²აჰა, ვხსნი მე ჩემს ბაგეს, ლაპარაკობს

³ჩემი გულის სიწრფოება ჩემი სიტყვებია, ჩემს ბაგეთა ცოდნას ნათლად გადმოსცემენ ისინი.

⁴ღვთის სულმა შემქმნა და ყოვლადძლიერის სუნთქვა მასულდგმულებს.

⁵თუ შეგიძლია, მიპასუხე: დაალაგე სიტყვები და დაიცავი თავი.

⁶აჰა, მეც შენისთანა ვყავარ ღმერთს, მეც თიხისგან ვარ გამოძერწილი.

⁷აჰა, ჩემმა შიშმა არ უნდა შეგაძრწუნოს, და არც ჩემმა ხელმა უნდა დაგამძიმოს.

⁸აკი ასმენდი შენ ჩემს ყურს და მე გავიგონე შენი სიტყვების ხმა:

⁹‘სუფთა ვარ მე და უცოდველი, უმწიკვლო ვარ და არა მაქვს ბრალი.

¹⁰აჰა, საბაბი მინახა, თავის მტრად შემრაცხა.

¹¹ხუნდებში მაყოფინებს ფეხებს, და ჩემს ყოველ გზას უთვალთვალებს!’

¹²აი, ამაში არ ხარ მართალი, რომ კაცზე დიდია ღმერთი.

¹³რად ედავები მას? ის პასუხს არ აგებს თავის ნამოქმედარზე.

¹⁴ერთხელ იტყვის ღმერთი, და, თუ

¹⁵სიზმარში, ღამეულ ხილვაში, როცა ადამიანებს ძილქუში ეცემათ, როცა თავიანთ საწოლზე თვლემენ,

¹⁶მაშინ ხსნის იგი ადამიანთა ყურს და ბეჭედს უსვამს მათთვის შეგონებას,

¹⁷რომ აარიდოს ადამიანი უკეთურ საქმეს, და კაცისაგან დაფაროს ამპარტავნება;

¹⁸რომ იხსნას მისი სული შავეთისაგან, და მისი სიცოცხლე — მახვილით დაღუპვისაგან.

¹⁹კაცი სატკივრით ისჯება თავის საწოლზე, და დაუამებელი ტკივილით მისი ძვლებისა;

²⁰შესძაგდება მის სიცოცხლეს პური და მის სულს — საყვარელი საჭმელი.

²¹გაქრება მისი ხორცი, უხილავი გახდება, და ამოასხდებიან ძვლები, რომელნიც არ ჩანდნენ.

²²და მიაწევს მისი სული ხარომდე და მისი სიცოცხლე — სიკვდილის წლებამდე.

²³თუ ჰყავს მას მეოხი ანგელოზი, ათასში ერთი, რომ განაცხადოს ადამიანის სიალალმართლე,

²⁴შეიწყალოს იგი და თქვას: ‘იხსენი იგი, დაიფარე იგი საფლავში ჩასვლისაგან. მისთვის ნაპოვნი მაქვს გამოსასყიდი!’

²⁵მისი ხორცი სიჭაბუკის დროინდელზე მეტად განახლდება, თავისი სიყმაწვილის დღეებს დაუბრუნდება.

²⁶ილოცებს ღვთის მიმართ და ისიც შეიწყალებს, და სიხარულით შეხედავს მის სახეს, და დაუბრუნებს კაცს მის სიმართლეს.

²⁷იგი იმღერებს კაცთა წინაშე და იტყვის: ‘ვცოდე მე და სწორი გავამრუდე, მაგრამ არ მომეგო საკადრისად.

²⁸მან გამოისყიდა ჩემი სული ხაროში ჩასვლისგან, და ჩემი სიცოცხლე ნათელს იხილავს,’

²⁹აჰა, ყოველივე ამას

³⁰რათა დააბრუნოს მისი სული ხაროდან, და გაანათლოს სიცოცხლის ნათელით.

³¹გაიგონე, იობ, ისმინე ჩემი, დადუმდი და მე ვილაპარაკებ.

³²თუ სათქმელი გაქვს, მიპასუხე, ილაპარაკე, რადგან შენი გამართლება მწადია;

³³თუ არა და, ისმინე ჩემი, დადუმდი, და მე გასწავლი სიბრძნეს.“