Read ბიბლია ფსალმ. 10 Bible Online

ფსალმ. 10 - ბიბლია bible

ფსალმ. 10

¹გუნდის ლოტბარს. დავითისა. უფალზე ვარ მინდობილი; როგორ ეტყვით ჩემს სულს: „გადაიხვეწე ჩიტივით თქვენს მთებში.

²რადგან აგერ, ბოროტნი მოზიდავენ მშვილდს, ლარზე მიამაგრებენ ისარს, რომ სიბნელიდან ესროლონ გულმართლებს.

³თუ საძირკველი დანგრეულია, მართალმა რა ქნას?“

⁴უფალი თავის წმიდა ტაძარშია, ცაშია უფლის ტახტი; მისი თვალები იმზირებიან, ქუთუთოები ამოწმებენ ადამის შვილებს.

⁵უფალი გამოსცდის მართალსა და ბოროტს, ხოლო ძალადობის მოყვარული სძულს მის სულს.

⁶აწვიმებს ბოროტთა ზედა, ცეცხლსა და გოგირდს; და ქარბორბალა ხვედრია მათი.

⁷რადგან მართალია უფალი, უყვარს სიმართლე. გულწრფელი იხილავს მის სახეს.