Read ბიბლია ფსალმ. 101 Bible Online

ფსალმ. 101 - ბიბლია bible

ფსალმ. 101

¹ლოცვა გლახაკისა, ოდეს იტანჯება და უფლის წინაშე გადმოღვრის თავის გულისნადებს.

²უფალო, ისმინე ჩემი ლოცვა, და ჩემი ღაღადისი შენთან მოვიდეს.

³ნუ დაფარავ შენს სახეს ჩემგან მომაპყარ ყური, მსწრაფლ მიპასუხე.

⁴რადგან გაქრნენ კვამლივით ჩემი დღეები და ჩემი ძვლები ვარვარებს, როგორც კოცონი.

⁵დაჭკნა ბალახივით და გახმა ჩემი გული, რადგან დამავიწყდა ჩემი პურის ჭამა.

⁶ჩემი კვნესის ხმისაგან მიჰკვრია

⁷დავემსგავსე უდაბნოს ვარხვს, გავხდი ვითარცა ბუკიოტი ნანგრევებში.

⁸უძილო ვიქმენ და ვზივარ,

⁹ყოველდღე მლანძღავენ ჩემი მტრები, ჩემი განმაქიქებელნი მე მიფიცავენ;

¹⁰რადგან ნაცარი პურივით ვჭამე და ჩემი სასმელი ცრემლით შევაზავე

¹¹შენი რისხვისა და გულისწყრომის გამო, რომ ამიყვანე და დამანარცხე.

¹²ჩემი დღეები გადახრილი ჩრდილივითაა და მე ბალახივით ვხმები.

¹³შენ კი, უფალო, საუკუნოდ იარსებებ, შენი სახსენებელი — თაობიდან თაობამდე.

¹⁴შენ კი აღსდექ და შეიწყალე სიონი; რადგან ჟამია, როცა შეწყალებ მას, რადგან მოვიდა საათი!

¹⁵რადგან უყვართ შენს მორჩილებს მისი ქვები და მისი მიწა ენანებათ.

¹⁶შეეშინდებათ წარმართთ უფლის სახელისა და ყველა ამქვეყნიერ მეფეს შენი დიდებისა.

¹⁷რადგან აღაშენებს უფალი სიონს, გამოცხადდება თავისი ღირსებით,

¹⁸მოხედავს ლოცვას გულმოდრეკილთა და არ დაამცირებს მათს ლოცვას.

¹⁹დაიწერება ეს მომავალი თაობისათვის, და ხალხი, რომელიც გაჩნდება, ადიდებს უფალს.

²⁰რადგან მან გადმოხედა თავისი წმიდის სიმაღლიდან, რადგან უფალმა ციდან მოიხილა ქვეყანა,

²¹რომ მოესმინა კვნესა პატიმრისა, გაეთავისუფლებინა სიკვდილის ძენი.

²²რათა აუწყონ სიონს სახელი უფლისა და ქება მისი იერუსალიმს,

²³როცა შეგროვდებიან ხალხები ერთად და სამეფონი უფლის სამსახურებლად.

²⁴გაასავათა გზაში ჩემი ძალა, შეამცირა დღენი ჩემნი.

²⁵ვეტყვი: „ღმერთო ჩემო! ნუ მომტაცებ ჩემს დღეებს ნახევარს! თაობიდან თაობამდეა შენი წლები.

²⁶უწინ დედამიწა დააფუძნე, და შენთა ხელთა ნასაქმარია ზეცა.

²⁷ისინი ჩაივლიან, შენ კი იარსებებ; ყველანი ტანსაცმელივით დაძველდებიან, სამოსელივით გამოიცვლი მათ და გაქრებიან.

²⁸შენ კი იგივე ხარ, და შენი წლები არ დაილევიან!

²⁹შენი მორჩილის ძენი დამკვიდრდებიან და შთამომავალი მათი შენს წინაშე წარიმართება.“