Read ბიბლია ფსალმ. 120 Bible Online

ფსალმ. 120 - ბიბლია bible

ფსალმ. 120

¹გალობა აღსავალთა. მივაპყრობ თვალებს მთებს: საიდან მოვა ჩემი შეწევნა?

²ჩემი შეწევნა უფლისგანაა, რომელმაც შექმნა ცა და ქვეყანა.

³არ წააბორძიკებს შენს ფეხს, არ წათვლემს დამცველი შენი.

⁴აჰა, არ წათვლემს და არ დაიძინებს მცველი ისრაელისა.

⁵უფალია შენი მცველი; უფალია შენი მფარველი შენი მარჯვენის გვერდით.

⁶დღისით მზე არ გავნებს, და ღამით — მთვარე.

⁷უფალი დაგიცავს ყოველგვარი ბოროტისაგან, დაიცავს შენს სულს;

⁸უფალი დაიცავს შენს წასვლას და მოსვლას ამიერიდან და უკუნისამდე.