Read ბიბლია ფსალმ. 149 Bible Online

ფსალმ. 149 - ბიბლია bible

ფსალმ. 149

¹ალელუია! უგალობეთ უფალს გალობა ახალი, მისი დიდება წმიდათა კრებულში.

²იხარებდეს ისრაელი თავისი შემოქმედით, ძენი სიონისა ზეიმობდნენ თავიანთი მეფით.

³განადიდონ მისი სახელი როკვით, დაფით და ქნარით უგალობონ მას.

⁴რადგან ისურვებს უფალი თავის ერს, დაამშვენებს თავმდაბლებს შეწევნით.

⁵იმხიარულონ წმიდებმა ღირსებით, იღაღადონ თავიანთ სარეცლებზე.

⁶ღმერთის განდიდება მათს ხორხში და მახვილი ორპირლესული მათ ხელშია.

⁷რათა შური იძიონ ერებზე, დასაჯონ ტომები,

⁸შეკრან მათი მეფენი ბორკილებით და დიდებულნი მათნი — რკინის ხუნდებით.

⁹განუმზადონ მათ სამართალი დაწერილი, დიდებაა ის ყველა მისი წმიდისათვის. ალელუია!