Read ბიბლია ფსალმ. 20 Bible Online

ფსალმ. 20 - ბიბლია bible

ფსალმ. 20

¹გუნდის ლოტბარს. ფსალმუნი. დავითისა.

²უფალო, შენი სიძლიერით იხარებს მეფე და შენი შველით მოილხენს მეტად.

³შენ შეუსრულე მას გულის ნატვრა და სათხოვარი მისთა ბაგეთა არ უკუაგდე.

⁴რადგან მას შეხვდი კეთილი კურთხევით, თავზე დაადგი გვირგვინი წმინდა ოქროსი.

⁵სიცოცხლე გთხოვა და მიეცი მას, დღეგრძელობა — უკუნითი უკუნისამდე.

⁶დიდია ღირსება მისი დიდება და დიდმშვენიერება მიანიჭე მას.

⁷შენ უბოძე მას კურთხევანი სამარადჟამოდ, ალხინე იგი სიხარულით შენს წინაშე.

⁸რადგანაც მეფე მინდობილი არის უფალზე და ზეციერის მოწყალებით არ დაეცემა.

⁹შენი ხელი მისწვდება ყველა მტერს შენსას, შენი მარჯვენა გაანადგურებს შენს მოძულეებს.

¹⁰ცეცხლოვან თონეს დაამსგავსებ მათ, შენი გამოჩენის ჟამს; უფალი თავისი რისხვით დასწვავს, ცეცხლი შთანთქავს მათ.

¹¹შენ მათ ნაშიერს წარხოც ქვეყნიდან და მათ მოდგმას ძეთაგან კაცთა.

¹²რადგან სიავე განიზრახეს შენს წინააღმდეგ, ბოროტს ზრახვიდნენ და ვერ შეიძლეს,

¹³ვინაიდან შენ უკუაქცევ მათ, შენს მშვილდს მიმართავ მათი სახისაკენ.

¹⁴ამაღლდი შენი ძალით, უფალო! ჩვენ ვუმღერებთ და ვუგალობებთ შენს ძლიერებას.