Read ბიბლია ფსალმ. 3 Bible Online

ფსალმ. 3 - ბიბლია bible

ფსალმ. 3

¹ფსალმუნი დავითისა. როცა გაურბოდა აბესალომს, თავის ძეს.

²უფალო! როგორ მომრავლდნენ ჩემი მტრები. ჩემს წინააღმდეგ აღდგა მრავალი.

³ბევრი ეუბნება ჩემს სულს: „არ არის მისთვის შემწეობა ღმერთისმიერი.“

⁴და შენ, უფალო, ჩემი ფარი ხარ, ჩემი დიდება და ამმაღლებელი ჩემი თავისა.

⁵ჩემი ხმით მოვუხმობ უფალს და ის მიპასუხებს თავის წმიდა მთიდან.

⁶ვწვები, ვიძინებ და ვიღვიძებ, რადგან უფალი შემწეა ჩემი.

⁷ვერ შემაშინებს სიმრავლე ხალხის, გარს რომ მერტყმიან ყოველი მხრიდან.

⁸აღსდეგ, უფალო, მიხსენი, ჩემო ღმერთო, რადგან შენ ულეწავ ყბებს ყველა ჩემს მტერს, ბოროტეულებს უმუსრავ კბილებს.

⁹უფლისაგან არის ხსნა. და შენი კურთხევა შენს ერზე.