Read ბიბლია ფსალმ. 46 Bible Online

ფსალმ. 46 - ბიბლია bible

ფსალმ. 46

¹გუნდის ლოტბარს. კორახის ძეთა. ფსალმუნი.

²ერნო ყოველნო, შემოჰკარით ტაში, შეჰღაღადეთ ღმერთს გალობის ხმით;

³რადგან საშიშია უფალი ზენაარი — დიდი ხელმწიფე მთელი ქვეყნისა.

⁴დაგვიმორჩილებს ხალხებს და ერებს — ჩვენთა ფერხთა ქვეშ.

⁵ამოგვირჩევს ჩვენს სამკვიდრებელს, მშვენებას იაკობისას, რომ შეიყვარა. —

⁶ამაღლდა ღმერთი შეძახილის ჟამს, უფალი — საყვირის ხმაზე.

⁷უგალობეთ, უგალობეთ ღმერთს! უგალობეთ, უგალობეთ ჩვენს მეფეს!

⁸რადგან მთელი ქვეყნიერების მეფეა ღმერთი, უგალობეთ გონივრულად.

⁹ღმერთი მეფობს ერებზე, ღმერთი ზის თავის წმიდა ტახტზე.

¹⁰ხალხთა მთავარნი შეიკრიბნენ აბრაამის ღმერთის ხალხად, რადგან ღმერთისაა ფარნი ქვეყნისანი; ამაღლდა ფრიად.