Read ბიბლია ფსალმ. 47 Bible Online

ფსალმ. 47 - ბიბლია bible

ფსალმ. 47

¹გალობა; ფსალმუნი. კორახის ძეთა.

²დიდია უფალი და ქებულია მეტად ჩვენი ღმერთის ქალაქში, თავის წმიდა მთაზე.

³ლამაზად მაღლდება მთა სიონისა, სიხარული მთელი ქვეყნიერებისა ჩრდილოეთ მხარეს ქალაქია დიდი მეფისა.

⁴ღმერთი თავის ტაძარში ცნობილია, ვითარცა სიმაგრე.

⁵რადგან აგერ, შეიკრიბნენ მეფენი და განვლეს ერთად.

⁶ნახეს მათ და განცვიფრდნენ, შეძრწუნდნენ და გაეჩქარნენ.

⁷ძრწოლამ შეიპყრო ისინი, იკლაკნებიან მშობიარესვაით.

⁸აღმოსავლეთის ქარით

⁹როგორც ვისმინეთ, ისე ვიხილეთ ძალთა უფლის ქალაქში, ჩვენი ღმერთის ქალაქში. ღმერთი დააფუძნებს მას უკუნისამდე.

¹⁰ვფიქრობდით, ღმერთო, შენს წყალობაზე შენი ტაძრის შუაგულში.

¹¹ვითარცა სახელი შენი, ღმერთო, შენი დიდებაც სიმართლით სავსეა შენი მარჯვენა.

¹²დაე იხაროს სიონის მთამ, იმხიარულონ იუდაელმა ქალწულებმა შენი სიმართლის გამო.

¹³ყოველი მხრიდან მიადექით დათვალეთ მისი კოშკები.

¹⁴გული მიაპყარით მის სიმაგრეებს; დაიარეთ მისი დარბაზები, რათა უამბოთ მომავალ თაობას.

¹⁵რადგან ის არის ღმერთი, ჩვენი ღმერთი უკუნითი უკუნისამდე; ის წაგვიძღვება ჩვენ სამარის კარამდე.