Read ბიბლია ფსალმ. 48 Bible Online

ფსალმ. 48 - ბიბლია bible

ფსალმ. 48

¹გუნდის ლოტბარს. კორახის ძეთა. ფსალმუნი.

²ისმინეთ ესე, ყოველო ხალხო, ყური მოაპყარით, ქვეყნიერების ყველა მცხოვრებო:

³უბრალოებმაც, დიდგვაროვნებმაც, მდიდარმა და ღარიბმა ერთად.

⁴ჩემი პირი წარმოთქვამს სიბრძნეს, და ჩემი გულის ფიქრი — გონიერებას.

⁵ყურს მივუგდებ იგავს, ქნარზე ამოვხსნი ჩემს გამოცანას.

⁶რად შემეშინდება უბედურების ჟამს, როცა ჩემი მოდავეების ბოროტება გარს შემომეხვევა,

⁷რომელნიც თავიანთი ძალით იმედეულობენ და უხვით სიმდიდრით მოჰკვეხენ?

⁸ძმა დახსნით ვერ დაიხსნის კაცს, ვერ მისცემს ღმერთს მის გამოსასყიდს.

⁹ძვირია მათი სულის გამოხსნა, და არ ეგების უკუნისამდე.

¹⁰რომ ცოცხლად დარჩეს სამარადისოდ და არ იხილოს საფლავი.

¹¹რადგან ხედავს: ბრძენნი იხოცებიან, როგორც იღუპებიან ბრიყვნი და სულელნი და თავიანთ დოვლათს სხვას უტოვებენ.

¹²საფლავი არის მათი სამუდამო სახლი, მათი საცხოვრებელი — თაობიდან თაობამდე; თავიანთ სახელებს უწოდებენ მამულებს.

¹³ადამიანი პატივისცემაში ვერ დარჩება დიდხანს; იგი ჰგავს დასაკლავ პირუტყვს.

¹⁴ეს მათი გზა, მათი უგუნურებაა, თუმცა შემდგომნი მათნი იწონებენ მათს სიტყვებს

¹⁵ცხვრებივით მიეცნენ ჯოჯოხეთს; სიკვდილი მწყემსავს მათ, დილით კი წმიდები გაბატონდებიან მათზე; და სიმაგრე მათი დაიშრიტება, საფლავია მათი სადგომი;

¹⁶ხოლო ღმერთი დაიხსნის ჩემს სულს, ჯოჯოხეთიდან როცა ამომიყვანს.

¹⁷არ შეგეშინდეს, თუ გამდიდრდეს კაცი, თუ გამრავლდეს მისი სახლის დიდება.

¹⁸რადგან, როცა მოკვდება, ვერაფერს წაიღებს, თან არ ჩაჰყვება მისი დიდება.

¹⁹თუმცა თავიანთ სულს სიცოცხლეშივე აკურთხებენ, და გადიდებენ შენ იმისათვის, რომ კეთილს იზამ.

²⁰მივა მამების თაობასთან, რომელნიც ვერასოდეს ვერ იხილავენ სინათლეს.

²¹ადამიანი, რომელიც პატივისცემაშია და არ გაეგება, დასაკლავ პირუტყვს ჰგავს.