Read ბიბლია ფსალმ. 5 Bible Online

ფსალმ. 5 - ბიბლია bible

ფსალმ. 5

¹ლოტბარს. სალამურზე. დავითის ფსალმუნი.

²ჩემი ნათქვამი ყურად იღე, უფალო, ჩასწვდი ჩემს გულისთქმას.

³ისმინე ჩემი ღაღადი, მეუფევ ჩემო და ღმერთო ჩემო, რადგან შენს მიმართ ვლოცულობ.

⁴უფალო! დილდილობით მოისმინე ჩემი ხმა, დილადრიან შევემზადები შენთვის და დაგელოდები.

⁵რადგან არა ხარ ბოროტების მოყვარული ღმერთი, ბოროტება ვერ დაისადგურებს შენთან.

⁶ვერ დადგებიან ქედმაღალნი შენს წინაშე: შენ გძულს ყველა, ვინც უსამართლობის ჩამდენია.

⁷შენ დაღუპავ სიცრუის მთქმელს; სისხლისმსმელნი და მაოხრებელნი კი წავლენ შენგან.

⁸ხოლო მე შენი უხვი წყალობით ვეთაყვანები

⁹უფალო, მატარე შენი სიმართლის გზით ჩემი მტრების გამო, გაასწორე შენი გზა ჩემს წინაშე.

¹⁰რადგან არ არის ჭეშმარიტება ბაგეთა მათთა, ბილწია მათი შიგნეულობა, მათი ხორხი — ღია საფლავია, მათი ენები ქლესაობენ.

¹¹განსაჯე ისინი, ღმერთო, დაეცნენ თავიანთი ზრახვების გამო; თავიანთი ცოდვების სიმრავლისათვის მოიშორე ისინი, რადგან აღსდგნენ შენს წინააღმდეგ,

¹²და გაიხარონ, ვინც შენზეა მონდობილნი, იმხიარულონ უკუნისამდე; და გაიხარებენ შენით, ვისაც შენი სახელი უყვარს.

¹³რადგან შენ აკურთხებ მართალს, უფალო; შენი წყალობით შემოსავ, როგორც ჯავშნით.