Read ბიბლია ფსალმ. 51 Bible Online

ფსალმ. 51 - ბიბლია bible

ფსალმ. 51

¹გუნდის ლოტბარს. მოძღვრება დავითისა.

²როცა მოვიდა დოეგ ედომელი და გააგებინა საულს და უთხრა, რომ მივიდა დავითი ახიმელექის სახლში.

³რას ტრაბახობ ბოროტებით, ძლიერო? ღმერთის წყალობა საყოველთაოა.

⁴სიცრუეს იზრახავს შენი ენა; როგორც გალესილი სამართებელი, მქმნელია სიყალბისა.

⁵გიყვარს ბოროტება სიკეთეზე მეტად. სიცრუე მეტად, ვიდრე სიმართლის თქმა;

⁶გიყვარს ყოველგვარი ცილისწამება, ენა მზაკვარო!

⁷ამიტომ მოგთხრის ღმერთი სამუდამოდ, გაგანადგურებს, გაგაძევებს კარვიდან და შენს ფესვს ამოძირკვავს ცოცხალთა ქვეყნიდან.

⁸ნახავენ მართალნი და შეშინდებიან, და გაიცინებენ მასზე:

⁹„აგერ კაცი, რომელმაც ღმერთი არ მიიჩნია თავის სიმაგრედ, არამედ თავისი დიდი სიმდიდრის იმედი ჰქონდა და თავის ბოროტებაში გამაგრდა.“

¹⁰ხოლო მე, ვითარცა ამწვანებული მე ღმერთის წყალობაზე ვარ მინდობილი უკუნითი უკუნისამდე.

¹¹გადიდებ მუდამ შენი ნამოქმედარისთვის, და მივენდობი შენს სახელს, რადგან ის ასე კარგია, შენს წმიდათა წინაშე.