Read ბიბლია ფსალმ. 53 Bible Online

ფსალმ. 53 - ბიბლია bible

ფსალმ. 53

¹გუნდის ლოტბარს. სიმებიან საკრავზე. მოძღვრება დავითისა.

²როცა მოვიდნენ ზიფელნი და უთხრეს საულს: აჰა, დავითი ჩვენთან იმალებაო.

³ღმერთო, შენი სახელით მიშველე, და შენი ძალით გამასამართლე!

⁴ღმერთო, ისმინე ჩემი ლოცვა; მოაყურადე სიტყვებს ჩემი პირისა!

⁵რადგან უცხონი აღიძრნენ ჩემზე, და მოძალადეებმა იძიეს სული ჩემი; არ წარმოიდგინეს ღმერთი თავიანთ წინაშე.

⁶აჰა, ღმერთია ჩემი შემწე, ღმერთია ჩემი სულის გამმაგრებელი.

⁷მან მიაგოს ბოროტება ჩემს მტრებს; შენი ჭეშმარიტებით მოსპე ისინი.

⁸ნებით შემოგწირავ მსხვერპლს, ვადიდებ შენს სახელს, უფალო, რადგან კარგია ის!

⁹რადგან ყოველგვარ გაჭირვებას გადამარჩინა და მტერთა ჩემთა დაცემა იხილა თვალმა ჩემმა.