Read ბიბლია ფსალმ. 56 Bible Online

ფსალმ. 56 - ბიბლია bible

ფსალმ. 56

¹გუნდის ლოტბარს. „ნუ მოსპობ“. დავითის ძეგლისწერა, როცა საულს გაექცა მღვიმეში.

²შემიწყალე, ღმერთო, შემიწყალე, რადგან შენ მოგენდო ჩემი სული, და შენი ფრთების ჩრდილქვეშ შევაფარებ თავს, ვიდრე გაჭირვება გადაივლიდეს.

³მოვუხმობ უზენაეს ღმერთს, ღმერთს, რომელიც თავის ნებას აღასრულებს ჩემზე.

⁴გამომიგზავნის ციდან ხსნას, შეარცხვენს ჩემი გათელვის მსურველს. გამომიგზავნის ღმერთი თავის წყალობას და ჭეშმარიტებას.

⁵ჩემი სული ლომების შუაგულშია; ვწევარ ცეცხლის ალში, ადამის ძეთა შორის ვცხოვრობ, რომელთა კბილები მშვილდ-ისრებია და ენა — ბასრი მახვილი.

⁶ამაღლდი ცათა ზემოთ, ღმერთო; მთელ დედამიწაზეა შენი დიდება.

⁷ბადე გაამზადეს ჩემთა ფერხთათვის; ჩემი სული მოიდრიკა; ჩემს წინ ორმო გათხარეს, თვითონ ჩაცვივდნენ შიგ.

⁸წრფელია ჩემი გული, ღმერთო, გიმღერებ და გიგალობებ.

⁹გამოიღვიძე, დიდებავ ჩემო, გამოვიღვიძებ ცისკართან ერთად.

¹⁰განგადიდებ ხალხებში, უფალო, გიგალობებ ერებში.

¹¹რადგან დიდია, ზეცამდეა შენი წყალობა, და ღრუბლებამდე — შენი ჭეშმარიტება.

¹²ამაღლდი ცათა ზემოთ, ღმერთო; მთელს დედამიწაზეა შენი დიდება.