Read ბიბლია ფსალმ. 6 Bible Online

ფსალმ. 6 - ბიბლია bible

ფსალმ. 6

¹რვაძალიან საკრავზე. გუნდის ლოტბარს. ფსალმუნი დავითისა.

²უფალო! შენი გულისწყრომით ნუ მამხილებ, და შენი რისხვით ნუ დამსჯი.

³შემიწყალე, უფალო, რადგან უძლური ვარ; განმკურნე, უფალო, რადგან შეძრწუნდნენ ჩემი ძვლები.

⁴ჩემი სულიც შეძრწუნებულია; და შენ, უფალო, როდემდე?

⁵შემობრუნდი, უფალო, გადაარჩინე ჩემი სული, მიხსენი შენი წყალობისათვის.

⁶რადგან არ არის შენი გახსენება სიკვდილში; ვინ შეგასხამს შავეთიდან ქება-დიდებას?

⁷მოვიქანცე ჩემი ვაებით, ყოველღამ ვბან ჩემს საწოლს, ცრემლებით ვალტობ ჩემს სარეცელს.

⁸დაიშრიტა წუხილით ჩემი თვალი, გადმომცვივდა ყოველთა მტერთა გამო.

⁹განმშორდით, ყოველნი მომქმედნი უსამართლობისა, რადგან ისმინა უფალმა ჩემი გოდების ხმა.

¹⁰ისმინა უფალმა ჩემი ვედრება; უფალი შეიწყნარებს ჩემს ლოცვას.

¹¹გაწბილდებიან და საშინლად შეძრწუნდებიან უკუიქცევიან და შერცხვებიან მეყსეულად.