Read ბიბლია ფსალმ. 60 Bible Online

ფსალმ. 60 - ბიბლია bible

ფსალმ. 60

¹გუნდის ლოტბარს. სიმებიან საკრავზე. დავითისა.

²ისმინე, უფალო, ვედრება ჩემი,

³ქვეყნის კიდიდან მოგღაღადებ გულგათანგული: სიმაღლით ჩემთვის მიუწვდომელ კლდეზე წარმიძეღ!

⁴რადგან შენ ხარ ჩემი მფარველი, ძლიერი კოშკი ხარ მტრისგან დამცველი.

⁵ვიცხოვრებ შენს კარვებში მარადის, თავს შევაფარებ შენი ფრთების ჩრდილქვეშ.

⁶რადგან შენ, ღმერთო, მოისმინე აღთქმანი ჩემნი, მიეცი სამკვიდრო, ვისაც შენი სახელისა ეშინიათ.

⁷დღეები შესძინე მეფის დღეებს, მისი წლები — თაობიდან თაობამდე.

⁸იმყოფებოდეს მარად ღვთის წინაშე, წყალობა და ჭეშმარიტება იფარავდეს მას.

⁹ასე ვუგალობებ შენს სახელს უკუნისამდე, რომ შევასრულო ჩემი აღთქმანი დღითიდღე.