Read ბიბლია ფსალმ. 64 Bible Online

ფსალმ. 64 - ბიბლია bible

ფსალმ. 64

¹გუნდის ლოტბარს. ფსალმუნი დავითისა. გალობა.

²შენ შეგშვენის ხოტბა, ღმერთო, სიონზე, და შენ აღგისრულებენ აღთქმას.

³შენ შეისმენ ლოცვას, ამიტომ შენთან მოვა ყველა ხორციელი.

⁴ჩადენილმა ცოდვებმა დამჯაბნეს მე; ჩვენს დანაშაულს შენ შეგვინდობ.

⁵ნეტარ არს, ვისაც ამოირჩევ და დაიახლოვებ, რომ იცხოვროს შენს ეზოში; გავძღებით სიკეთით შენი სახლისა, შენი წმიდა ტაძრისა.

⁶საშინელებებით სამართლიანად გვპასუხობ, ღმერთო, ჩვენო მხსნელო, სასოებავ დედამიწის ყველა კუთხისა და შორეული ზღვის მცხოვრებთა;

⁷რომელმაც განამზადა მთები თავისი ძალით, გარემოსილია ძლიერებით;

⁸რომელიც აწყნარებს ზღვათა ხმაურს, და ერების მღელვარებას.

⁹და შეაშინებს კიდეთა მცხოვრებთ შენი სასწაულები, აღმოსავლეთსა და დასავლეთს გაამხიარულებ.

¹⁰კეთილად გაიხსენე ქვეყანა და მორწყე, დიდად გაამდიდრე იგი; — ნაკადი ღმერთისა სავსეა წყლით; მოამზადე მათი პური, რადგან ასე წარმართე იგი.

¹¹მის კვლებს არწყულებ, ასწორებ მის ბელტებს, ჟუჟუნა წვიმით ალბობ, მის აღმონაცენს აკურთხებ.

¹²აკურთხე წელიწადის გვირგვინი შენი სიკეთით, და შენი ნაკვალევიდან წვეთავს პოხიერება.

¹³წვეთავენ უდაბნოს საძოვრები, და ქედები ლხინით შეიმოსებიან.

¹⁴საძოვრები ცხვრით აჭრელდებიან და დაბლობები მარცვლით დაიფარებიან; იღაღადებენ და იმღერებენ.