Read ბიბლია ფსალმ. 73 Bible Online

ფსალმ. 73 - ბიბლია bible

ფსალმ. 73

¹მოძღვრება. ასაფისა. რატომ მიგვატოვე, უფალო, სამუდამოდ, და

²გაიხსენე შენი თემი, რომელიც ადრევე შეიძინე, ტომი შენი სამკვიდრო, რომელიც შენ იხსენი, ეს მთა სიონისა, რომელზეც შენი სავანეა!

³წარმართე შენი ნაბიჯები მარადიული ნანგრევებისაკენ! ყოველივე დაუნგრევია მტერს წმიდაში.

⁴შენი მოდავენი ღმუიან შენს საკრებულოში; დადეს თავიანთი ნიშნები სასწაულების მაგიერ.

⁵ემსგასებოდნენ იმათ, ვინც ხის ტოტებზე ცულს შემართავს.

⁶და ახლა ამსხვრევენ მის ჩუქურთმებს ერთიანად უროთი და ცულით.

⁷ცეცხლს მისცეს შენი ტაძარი, მიწასთან გაასწორეს შენი სახელის სამკვიდრებელი.

⁸თქვეს თავიანთ გულში: დაწვეს ღმერთის ყველა საკრებულო დედამიწაზე.

⁹ჩვენს სასწაულებს ვეღარ ვხედავთ, აღარ გვყავს წინასწარმეტყველი, და არავინ არის ჩვენთან, რომ იცოდეს როდემდე გაგრძელდება ასე.

¹⁰ღმერთო, როდემდე უნდა იგინოს მტერმა? ნუთუ მარადჟამს უნდა შელანძღოს მოშუღარმა შენი სახელი?

¹¹რატომ სწევ უკან შენს ხელს და შენს მარჯვენას? გამოიღე შენი უბიდან და მოსპე!

¹²ხოლო ღმერთი მეფეა ჩემი, ადრიდანვე

¹³შენ გაკვეთე ზღვა შენი ძალით, წყალზე მიუმტვრიე თავები ურჩხულებს;

¹⁴შენ გაუჭეჭყე თავი ლევიათანს, მიეცი საჭმელად იგი უდაბნოს ხალხს.

¹⁵შენ გააპე წყარო და ხევი, შენ დააშორე ძლიერი მდინარენი.

¹⁶შენია დღე, ღამეც შენია; შენ განამზადე მთვარე და მზე.

¹⁷შენ დაადგინე ყველა საზღვარი ქვეყნიერებისა, ზაფხულ-ზამთარი შენ დააარსე.

¹⁸უფალო, გაიხსენე ეს: მტერი გაგინებს შენ, და არამზადა ხალხი ლანძღავს შენს სახელს.

¹⁹მხეცებს ნუ მისცემ შენი გვრიტის სულს, შენი ღარიბების სიცოცხლეს ნუ დაივიწყებ.

²⁰მიხედე აღთქმას! რადგან აივსო

²¹ნუ დაუბრუნდება ჩაგრული გაწბილებული, ღარიბ-ღატაკნი აქებდნენ შენს სახელს!

²²აღდეგ, უფალო, ედავე შენს მოდავეებს, გაიხსენე შენი ლანძღვა არამზადებისაგან ყოველდღე.

²³ნუ დაივიწყებ შენს მოდავეთა ხმას; შენი მტრის ღრიალს, მუდამ რომ ამოდის!