Read ბიბლია ფსალმ. 74 Bible Online

ფსალმ. 74 - ბიბლია bible

ფსალმ. 74

¹გუნდის ლოტბარს. „ნუ მოსპობ“. ფსალმუნი ასაფისა. გალობა.

²გადიდებთ შენ, ღმერთო, გადიდებთ, ახლოსაა შენი სახელი. ლაპარაკობენ შენს საოცრებებს.

³„როცა გამოვნახავ დროს, გავასამართლებ სისწორით.

⁴ირყეოდნენ დედამიწა და მისი მცხოვრებნი: — მე გავამაგრე მისი სვეტები.“

⁵ვუთხარი ამპარტავნებს: ‘ნუ იამპარტავნებთ!’ და ბოროტეულებს: ‘ნუ მოიმაღლებთ თქვენს რქას.

⁶ნუ მოიმაღლებთ თქვენს რქას, ნუ ილაპარაკებთ ამპარტავნული ქედით.“

⁷რადგან არც აღმოსავლეთიდან და არც დასავლეთიდან, და არც უდაბნოდან არის აღვსება კაცისა.

⁸არამედ ღმერთი მსაჯული, რომელიც ერთს დაამდაბლებს და მეორეს აღამაღლებს.

⁹რადგან უფლის ხელშია თასი და ღვინო დუღს ნარევით სავსე, და ასხამს იქიდან, მის თხლესაც კი სწურავენ, და სვამენ ყოველნი ბოროტნი ქვეყნისა.

¹⁰ხოლო მე მარადის ვაუწყებ, ვუგალობებ იაკობის ღმერთს.

¹¹ბოროტთა რქებს ერთიანად შევმუსრავ, მართლის რქები კი უნდა ამაღლდეს!