Read ბიბლია ფსალმ. 75 Bible Online

ფსალმ. 75 - ბიბლია bible

ფსალმ. 75

¹გუნდის ლოტბარს. სიმებიან საკრავზე. ფსალმუნი ასაფისა. გალობა.

²ცნობილია იუდაში ღმერთი, ისრაელში დიდია მისი სახელი.

³და იყო შალემში მისი კარავი და მისი სავანე — სიონში.

⁴იქ შემუსრა მშვილდ-ისრები, ფარი და ხმალი, და ომი.

⁵ბრწყინვალე ხარ და ძლიერი სანადირო მთებზე მეტად.

⁶გაიძარცვნენ გულმაგრები, ჩათვლიმეს, დაეძინათ, მეომრებს

⁷შენი შემოტევით, ღმერთო იაკობისა, რული მოერია ცხენსაც და მხედარსაც.

⁸შენ საშიში ხარ, და ვინ დაგიდგება წინ შენი განრისხების ჟამს?

⁹ციდან მოგვასმინე სამართალი, დედამიწა შეშინდა და მიწყნარდა,

¹⁰როცა აღდგა სამართლისათვის ღმერთი ქვეყნიერების ყველა ჩაგრულის გადასარჩენად.

¹¹რაკი ადამიანის რისხვა იქცევა შენდა აღიარებად, რისხვის ნატამალს მოთოკავ.

¹²აღუთქვით და გადაუხადეთ უფალს, თქვენს ღმერთს; ყველამ — მის ირგვლივ მყოფმა, საჩუქარი მიუძღვნას საშიშს.

¹³ის დაამდაბლებს მბრძანებელთა სულს, შიშის ზარს დასცემს ამქვეყნიურ მეფეებს.