Read ბიბლია ფსალმ. 79 Bible Online

ფსალმ. 79 - ბიბლია bible

ფსალმ. 79

¹გუნდის ლოტბარს. შოშანიმ ყედუთის ხმაზე. ასაფისა. ფსალმუნი.

²მწყემსო ისრაელისა, ყური მომაპყარ; წინ რომ უძღოდი იოსებს, ვითარცა ცხვარს; ქერუბიმებზე ამხედრებული, გამოგვეცხადე.

³ეფრემის, ბენიამინისა და მენაშეს წინაშე და მოდი ჩვენს სახსნელად.

⁴ღმერთო! მოგვაქციე ჩვენ; გაბრწყინდეს სახე შენი და დავიხსნებით.

⁵უფალო, ღმერთო ძალთაო, როდემდე იქნები განრისხებული შენი ხალხის ლოცვაზე?

⁶აჭმევ მათ ცრემლიან პურს და ასმევ ცრემლებით სავსე თასს.

⁷დაგესვი საშუღლოდ ჩვენს მეზობლებში, და ჩვენი მტრები აბუჩად გვიგდებენ.

⁸უფალო, ღმერთო ძალთაო, მოგვაქციე ჩვენ, გაბრწყინდეს შენი სახე და დავიხსნებით.

⁹ეგვიპტიდან გადმოიტანე ვაზი, განდევნე ხალხები და დარგე ის;

¹⁰გაწმინდე მის წინ, გაადგმევინე ფესვები

¹¹მთები დაფარა მისმა ჩრდილმა და მისმა რქებმა — ნაძვი ღმრთისა;

¹²რქები გაიტანა ზღვამდე და მდინარემდე — თვისი ნამსხვრევი.

¹³რატომ დაანგრიე ზღუდენი მისნი, რომ ყოველი გამვლელი მას ძარცვავს?

¹⁴ანადგურებს მას ტყიური ტახი და ველის ნადირები კორტნიან მას.

¹⁵ღმერთო ძალთაო! მობრუნდი, გადმოგვხედე ციდან და იხილე, და მოხედე ამ ვაზს.

¹⁶გაამაგრე ის, რაც დარგო შენმა მარჯვენამ, და ყლორტები, შენთვის რომ გააძლიერე!

¹⁷დამწვარია ცეცხლით, აკაფულია; შენი სახის რისხვით დაიღუპებიან.

¹⁸იყოს შენი ხელი შენი მარჯვენის კაცზე, ადამის ძეზე, შენთვის რომ გააძლიერე.

¹⁹და არ უკუვდგებით შენგან, გვაცოცხლე და შენს სახელს მოვუხმობთ.

²⁰უფალო, ღმერთო ძალთაო, მოგვაქციე ჩვენ. გაბრწყინდეს შენი სახე და დავიხსნებით.