Read ბიბლია ფსალმ. 8 Bible Online

ფსალმ. 8 - ბიბლია bible

ფსალმ. 8

¹გუნდის ლოტბარს. გათითის ხმაზე. ფსალმუნი დავითისა.

²უფალო, ჩვენო მბრძანებელო! ცათა ზემოთ სწვდება შენი დიდება.

³ჩვილთა და ძუძმწოვართა ბაგეებიდან დაამტკიცე ციხე-ბურჯი შენი მტრების წინააღმდეგ, რათა დაგედუმებინა შენი მტერი და შურისმგებელი.

⁴როცა შევხედავ შენს ცას — შენი თითების ნამოქმედარს, მთვარესა და ვარსკვლავებს, რომლებიც დააფუძნე:

⁵რა არის კაცი, რომ იხსენიებ? ან ძე ადამიანისა, რომ ყურადღებას აქცევ?

⁶ბევრად არ დაგიმცირებია იგი ანგელოზებზე; დიდება და ღირსება დაადგი გვირგვინად.

⁷გააბატონე იგი შენი ხელის ნამოქმედარზე; ყოველივე მას დაუმორჩილე.

⁸ყველა პირუტყვი — წვრილფეხა და მსხვილფეხა და ასევე — ნადირი ველისა;

⁹ფრინველი ცისა და თევზი ზღვისა, და ყოველივე, წყლის ბილიკებით რომ მოძრაობენ.

¹⁰უფალო, ჩვენო მბრძანებელო! რაოდენ დიდია შენი სახელი მთელს ქვეყანაზე.