Read ბიბლია ფსალმ. 80 Bible Online

ფსალმ. 80 - ბიბლია bible

ფსალმ. 80

¹გუნდის ლოტბარს, გითითის ხმაზე. ასაფისა.

²უგალობეთ ღმერთს, სიმაგრეს ჩვენსას; შეჰღაღადეთ იაკობის ღმერთს!

³ასწიეთ სიმღერა და დაუკარით დაირა, ტკბილხმიანი ქნარი ებანთან ერთად.

⁴ჩაჰბერეთ ახალმთვარობაზე ბუკს, სრულმთვარობაზე, ჩვენი დღესასწაულის დღეს.

⁵რადგან ეს არის კვალი ისრაელისა, სამართალი იაკობის ღმერთისა.

⁶ეს დაადგინა მან მოწმობად იოსებისათვის, როცა გამოვიდა ეგვიპტის ქვეყნიდან;

⁷ენა, რომელიც არ ვიცოდი, ვისმინე: „მოვხსენი ტვირთი მხრებიდან, მისი ხელები აღარ დაათრევენ გოდორს.

⁸გაჭირვებაში მომიხმე და გადაგარჩინე, გპასუხობდი იდუმალებით სავსე ქუხილის ხმით, გამოგცადე მერიბას წყლებზე.

⁹ისმინე, ჩემო ერო, და დაგიმოწმებ მე, ისრაელო, თუ მომისმენ.

¹⁰არ იყოს შენში სხვა ღმერთი და თაყვანი არ სცე უცხო ღმერთს.

¹¹მე ვარ უფალი, ღმერთი შენი, განავრცე პირი შენი და გავავსებ მას.

¹²არ ისმინა ჩემმა ერმა ხმა ჩემი, და ისრაელი არ დამემორჩილა.

¹³და მივუშვი ისინი თავიანთ გულისწადილზე, იარონ თავიანთ ნებაზე.

¹⁴ჩემს ერს რომ ჩემი ესმინა

¹⁵მოკლე ხანში მოვდრეკდი მათს მტრებს და მათს მჩაგვრელებზე ხელს აღვმართავდი.

¹⁶უფლის მოძულენი ლიქნას დაუწყებდნენ; და მათი ჟამი იქნებოდა სამარადისო.

¹⁷გამოვკვებავდი მათ ნოყიერი ხორბლით და კლდის თაფლით გავაძღებდი.“