Read ბიბლია ფსალმ. 94 Bible Online

ფსალმ. 94 - ბიბლია bible

ფსალმ. 94

¹მოდით, ვუგალობოთ უფალს, შევღაღადოთ ჩვენი ხსნის ბურჯს.

²სამადლობელით წარვდგეთ მის წინაშე, და სიმღერით შევღაღადოთ მას.

³რადგან უფალი არის დიდი ღმერთი და მეფე — ყველა ღვთაებაზე აღმატებული;

⁴რადგან მის ხელთაა სიღრმენი მიწისა, და მთების მწვერვალებიც მისია.

⁵მისია ზღვა, მან შექმნა იგი; და ხმელეთი მის ხელთა ქმნილებაა.

⁶მოდით, თაყვანი ვცეთ და შეუვრდეთ, მუხლი მოვიდრიკოთ ჩვენი შემქმნელი უფლის წინაშე!

⁷რადგან ის ჩვენი ღმერთია, ჩვენ კი ერი მისი სამწყსოსი და ცხვარი მისი სამწყემსი. ო, დღეს რომ მოგესმინათ მისი ხმა:

⁸„ნუ გაისასტიკებთ თქვენს გულებს, ვითარცა მერიბაში, როგორც გამოცდის დღეს, უდაბნოში

⁹რომ გამომცადეს თქვენმა მამებმა, გამომცადეს და იხილეს ჩემი ნამოქმედარი.

¹⁰ორმოც წელიწადს მომაბეზრა თავი იმ თაობამ, და ვთქვი: მცდარი გულის ხალხია ისინი და არ იციან მათ ჩემი გზები.

¹¹ამიტომ დავიფიცე ჩემი მრისხანების ჟამს, რომ ვერ შევლენ ჩემს სავანეში.“