Read ბიბლია იგავ. 18 Bible Online

იგავ. 18 - ბიბლია bible

იგავ. 18

¹თავკერძა კაცი ჟინს ისწორებს, ყოველ საღ აზრს უჯანყდება.

²ბრიყვს გონიერება კი არ სურს, არამედ მხოლოდ თავისი გულის გამომჟღავნება.

³უკეთურის მოსვლას მოჰყვება ზიზღიც და უპატიობას — სირცხვილი.

⁴კაცის პირის სიტყვები ღრმა წყლებია, მდინარი ნაკადული — სიბრძნის წყარო.

⁵უკეთურის მიმხრობა არ არის კარგი მართლის დასამხობად სასამართლოზე.

⁶ბრიყვის ბაგენი ჩხუბში შედიან და მისი პირი ცემას მოუწოდებს.

⁷ბრიყვის პირი დაღუპვაა მისთვის და მისი ბაგენი — მახე მისი სულისა.

⁸ცილისმწამებლის სიტყვები ჩასატკბარუნებელია და ისინი გულის სიღრმეში აღწევენ.

⁹თავის საქმეში დაუდევარი ძმაა წამწყმედლისა.

¹⁰ძლიერი კოშკი უფლის სახელია, მასში დარბის მართალი და სამშვიდობოზეა.

¹¹მდიდრის ქონება მისი ძლიერი ქალაქია და მაღალი გალავანივითაა მის ფიქრებში.

¹²დამხობის წინ მაღლდება კაცის გული და დიდების წინ თვინიერდება.

¹³ვინც პასუხს სცემს მოსმენამდე — ეს მისი სისულელეა და სირცხვილი.

¹⁴კაცის სული იტანს თავის სატკივარს, მაგრამ შემუსრვილ სულს ვინ გადაიტანს?

¹⁵გონიერის გული იძენს ცოდნას და ბრძენთა ყური ეძებს ცოდნას.

¹⁶ადამიანის საჩუქარი აფართოებს მის გზას და დიდებულებამდე მიიყვანს მას.

¹⁷მართალი პირველია დავაში, მაგრამ მოდის მისი მეტოქე და გამოიძიებს მას.

¹⁸წილისყრა ბოლოს უღებს დავას და ძლიერებს გააშველებს.

¹⁹განმდგარი ძმა გამაგრებულ ქალაქზე მიუდგომელია, და დავა სასახლის კლიტეთა მსგავსია.

²⁰კაცის პირის ნაყოფისაგან გაძღება მისი მუცელი, თავის ბაგეთა მოსავლისაგან გაძღება.

²¹სიკვდილი და სიცოცხლე ენის ხელშია, და მისი მოყვარულნი იგემებენ მის ნაყოფს.

²²ვინც კარგი ცოლი ჰპოვა, მან სიკეთე ჰპოვა და უფლისაგან მადლი მოიხვეჭა.

²³ვედრებით ღარიბი ლაპარაკობს, მდიდარი კი თავხედურად პასუხობს.

²⁴მეგობრიანი კაცი შეიძლება განადგურდეს, მაგრამ არის მოყვასი ძმაზე უფრო ახლობელი.