Read ბიბლია ეკლ. 7 Bible Online

ეკლ. 7 - ბიბლია bible

ეკლ. 7

¹კარგი სახელი სჯობს კარგ ნელსაცხებელს და

²სჯობს გლოვის სახლში მისვლა ლხინის სახლში მისვლას, რადგან ეს არის ყოველი ადამიანის ბოლო, და ცოცხალმა დაიდოს გულთან.

³სჯობს მწუხარება სიცილს, რადგან სახის დაღვრემილობისას უკეთესდება გული.

⁴ბრძენთა გული გლოვის სახლშია, ხოლო ბრიყვთა გული — მხიარულების სახლში.

⁵სჯობს ბრძენის მიერ საყვედურის მსმენელი კაცს, რომელიც ბრიყვის ქებას ისმენს.

⁶რადგან როგორც ხმა ეკლების ტკაცუნისა ქვაბის ქვეშ, ისეა ბრიყვის სიცილი. და ესეც ამაოებაა.

⁷რადგან ჩაგვრისას ბრძენი კარგავს გონებას, ხოლო საჩუქარი აფუჭებს გულს.

⁸სჯობს საქმის ბოლო მის დასაწყისს, სჯობს სულგრძელობა — ქედმაღლობას.

⁹ნუ იჩქარებ შენს სულში გაბრაზებას, რადგან სიბრაზე ბრიყვთა უბეში განისვენებს.

¹⁰ნუ იკითხავ: „რატომ არის, რადგან სიბრძნით არ კითხულობ ამას.

¹¹კარგია სიბრძნე მემკვიდრეობასთან ერთად და მათთვის, ვინც ხედავს მზეს.

¹²რადგან სიბრძნე ჩრდილშია, ვერცხლი ჩრდილშია, ხოლო ცოდნის უპირატესობა ის არის, რომ სიბრძნე აცოცხლებს თავის პატრონს.

¹³შეხედე ღვთის მოქმედებას, რადგან ვინ შეძლებს იმის გასწორებას, რაც მან გაამრუდა?

¹⁴სიკეთის დღეს კარგად იყავი და უბედურების დღეს განჭვრიტე — ესეც და ისიც ღმერთმა შექმნა იმისთვის, რომ ვერაფერი ვერ ჰპოვოს ადამიანმა თავის შემდგომ.

¹⁵ეს ყველაფერი მინახავს მე დღეებში ჩემი ამაოებისა: მართალი დაღუპულა თავის სიმართლეში და უკეთური დღეგრძელი ყოფილა თავის სიბოროტეში.

¹⁶ნუ იქნები დიდად მართალი და ნუ დაბრძენდები მეტისმეტად — რად უნდა იყო შეწუხებული?

¹⁷ნუ შესცოდავ დიდად და ნუ იქნები სულელი — რად უნდა მოკვდე უდროოდ?

¹⁸კარგია, თუ ამას ჩაეჭიდები და არც იმას გაუშვებ ხელს, რადგან უფლის მოშიში აგვარებს ყოველივე ამას.

¹⁹სიბრძნე გააძლიერებს ბრძენს ათ ხელისუფალზე მეტად, ქალაქში რომ არიან.

²⁰ნამდვილად არ არის ქვეყანაზე მართალი ადამიანი, რომელიც მხოლოდ სიკეთეს სჩადის და არ სცოდავს.

²¹ყველა სიტყვას, რასაც იტყვიან, ნუ მიაქცევ ყურადღებას, რათა არ მოისმინო, შენი მონა რომ გწყევლის.

²²რადგან შენმა გულმა იცის, რომ შენც სწყევლიდი სხვებს.

²³ყოველივე ეს გამოვცადე მე სიბრძნით და ვთქვი: „დავბრძენდები“, მაგრამ ეს შორსაა ჩემგან.

²⁴ის რაც შორსაა და ძალიან ღრმაა, ვინ ჰპოვებს მას?

²⁵მოვაბრუნე ჩემი გული, რომ ვისწავლო და ვიკვლიო, და გამოვიძიო სიბრძნე და გამჭრიახობა, რათა შევიცნო უკეთურების სიბრიყვე და შეშლილობის სისულელე.

²⁶და ვპოვე მე, რომ სიკვდილზე მწარეა ქალი, რადგან ის ხაფანგია, მისი გული — ბადე და მისი ხელები — ბორკილები. უფლის წინაშე კეთილი დაუსხლტება მას, ხოლო ცოდვილი გაებმება მასში.

²⁷„აი, ეს ვპოვე მე!“ თქვა ეკლესიასტემ, „ერთი მეორეს მივაბი, რათა მეპოვნა ახსნა,

²⁸რასაც ჩემი სული კვლავ ეძებს, მაგრამ ვერ ვპოვე. ერთი კაცი ვიპოვე ათასში, ხოლო ქალი ყველა მათ შორის ვერ ვიპოვე.

²⁹და აჰა, მხოლოდ ეს ვპოვე მე: რომ ღმერთმა შექმნა ადამიანი პატიოსნად, მათ კი წამოიწყეს ბევრი ხრიკები!“