Read ბიბლია ეს. 12 Bible Online

ეს. 12 - ბიბლია bible

ეს. 12

¹და იტყვი იმ დღეს: „გმადლობ შენ, უფალო, რადგან განრისხდი ჩემზე, მაგრამ შენი რისხვა დაცხრა და შენ მამშვიდებ მე.

²აჰა, ღმერთია ჩემი ხსნა, მივენდობი და არ შემეშინდება, რადგან ჩემი ძალა და სიმღერა უფალი ღმერთია. ის მყავდა მე ხსნად.“

³და თქვენ სიხარულით ამოხაპავთ წყალს ხსნის წყაროებიდან.

⁴და იტყვით იმ დღეს: „მადლობა უთხარით უფალს, ხალხებში აუწყეთ მისი საქმენი, გაიხსენეთ, რომ დიადია მისი სახელი.“

⁵უმღერეთ უფალს, რადგან დიდებული რამ მოიმოქმედა; განითქვას ეს მთელს ქვეყანაზე.

⁶ილხინე და იგალობე, სიონის მცხოვრებო, რადგან დიდია შენს წიაღში ისრაელის წმიდა.