Read ბიბლია ეს. 26 Bible Online

ეს. 26 - ბიბლია bible

ეს. 26

¹იმ დღეს იმღერებენ ამ სიმღერას იუდას ქვეყანაში: „მაგარი ქალაქი გვაქვს ჩვენ, ხსნად დაადგენს კედლებსა და მიწაყრილს.

²გახსენით კარიბჭე! მოვიდეს რწმენის დამცველი მართალი ერი.

³სულს, რომელიც შენ გენდობა, რადგან შენზეა მონდობილი.

⁴მიენდეთ უფალს უკუნითი უკუნისამდე, რადგან უფალ ღმერთშია საუკუნო კლდე.

⁵რადგან მან დააქცია მაღლა მცხოვრებნი, ამაღლებული ქალაქი დაამხო, მიწად დაამხო, გააცამტვერა.

⁶ფეხი გათელავს მას, ფეხნი ღარიბისა, ნაფეხურები ღატაკისა.“

⁷მართლის გზა მოსწორებულია; შენ, წრფელო, ასწორებ მართლის სავალს.

⁸შენი სამართლის გზაზე, უფალო, შენი სახელისა და შენი ხსოვნისაკენაა ჩვენი სულის წადილი.

⁹ჩემი სამშვინველით ვისწრაფი შენსკენ ღამით, და ჩემი სულით ჩემში გეძებ შენ განთიადიდან, რადგან როდესაც აღსრულდება შენი სამართალი ქვეყანაზე, სამართლიანობას ისწავლიან ქვეყნიერების მცხოვრებნი.

¹⁰თუ მიეტევება ბოროტეულს, აღარ ისწავლის სამართლიანობას. ის მართალ ქვეყანაში უსამართლოდ მოიქცევა და არ დაინახავს უფლის სიდიადეს.

¹¹უფალო! აღმართულია შენი ხელი, დაინახავენ შენს შურს ერის მიმართ და შერცხვებათ, და ცეცხლი შეჭამს შენს შემჭირვებელთ.

¹²უფალო! შენ გვიმყარებ მშვიდობას, რადგან ყველა საქმე ჩვენთვის შენ მოიმოქმედე.

¹³უფალო, ჩვენო ღმერთო! ჩვენ კი მხოლოდ შენს სახელს გავიხსენებთ.

¹⁴მკვდრები არ გაცოცხლდებიან, ამიტომ შენ დასაჯე და გაანადგურე ისინი და მოსპე ყოველი მათი სახსენებელი.

¹⁵შენ გაამრავლე ხალხი, უფალო, შენ გაამრავლე ხალხი! განდიდდი, გააფართოვე ყველა საზღვარი ქვეყნისა.

¹⁶უფალო! გასაჭირში გეძებდნენ შენ, ჩურჩულით ლოცულობდნენ, როდესაც შენი სასჯელი იყო მათზე.

¹⁷მსგავსად ფეხმძიმისა, და კივის ტკივილებისაგან, ასე ვიყავით შენს წინაშე, უფალო!

¹⁸ფეხმძიმედ ვიყავით, ვიტანჯეთ, თითქოს ქარს ვშობდით; ხსნა ვერ მოვუტანეთ ქვეყანას და ქვეყნიერების მცხოვრებნი არ იბადებიან.

¹⁹გაცოცხლდებიან შენი მკვდრები, აღდგებიან გვამები! გამოიღვიძეთ და ილხინეთ, მტვრის ბინადარნო, რადგან ცისკრის ცვარი შენი ცვარია, და მიწა აჩრდილებს დაბადებს.

²⁰წადი, ჩემო ხალხო, შედი შენს ოთახებში და გამოიკეტე კარები, ერთი წამით დაიმალე, სანამ რისხვა გადაივლიდეს,

²¹რადგან უფალი გამოდის თავისი ადგილიდან, რათა დასაჯოს ქვეყნის მცხოვრებნი მათი ურჯულოებისთვის; და გამოაჩენს ქვეყანა თავის სისხლს და ვეღარ დაფარავს თავის დახოცილებს.