Read ბიბლია ეს. 39 Bible Online

ეს. 39 - ბიბლია bible

ეს. 39

¹იმ დროს მეროდან-ბალადანმა, ბალადანის ძემ, ბაბილონის მეფემ, გაუგზავნა წერილები და საჩუქრები ხიზკიაჰუს, რადგან შეიტყო, რომ ავად იყო, და გამოჯანმრთელდა.

²და გაიხარა ამით ხიზკიაჰუმ და უჩვენა მათ თავისი საგანძურის, ვერცხლი და ოქრო, და სურნელი და ძვირფასი ნელსაცხებელი და მთელი თავისი იარაღების სახლი და ყველაფერი, რაც მის საუნჯეში მოიპოვებოდა. არ იყო საგანი, რომელიც არ ეჩვენებინოს მათთვის ხიზკიაჰუს თავის საუნჯიდან

³მივიდა ესაია წინასწარმეტყველი მეფე ხიზკიაჰუსთან და უთხრა მას: „რა თქვეს ამ კაცებმა და საიდან მოვიდნენ შენთან?“ და უპასუხა მას ხიზკიაჰუმ: „შორი ქვეყნიდან მოვიდნენ ჩემთან, ბაბილონიდან.“

⁴და ჰკითხა ესაიამ: „რა ნახეს მათ შენს სახლში?“ და უპასუხა ხიზკიაჰუმ: „ყველაფერი, რაც ჩემს სახლშია, ნახეს მათ. არ იყო საგანი, რომელიც არ მეჩვენებინოს მათთვის ჩემი საუნჯიდან.“

⁵და უთხრა ესაიამ ხიზკიაჰუს: „ისმინე სიტყვა უფალ ცაბაოთისა:

⁶‘აი, მოდის დღეები, და წაიღებენ ბაბილონში ყველაფერს, რაც შენმა მამებმა დააგროვეს ამ დღემდე. არაფერი დარჩება!’ თქვა უფალმა.

⁷‘და შენს ძეთაგან, რომლებიც შენგან გამოვლენ, რომელთაც შენ შობ, წაიყვანენ და საჭურისნი იქნებიან ისინი ბაბილონის მეფის სასახლეში.“

⁸და უთხრა ხიზკიაჰუმ ესაიას: „კეთილია სიტყვა უფლისა, რომელიც შენ წარმოთქვი, რადგან მშვიდობა და სიმტკიცე იქნება ჩემს დღეებში.“