Read ბიბლია ეს. 62 Bible Online

ეს. 62 - ბიბლია bible

ეს. 62

¹სიონის გამო არ დავდუმდები და ისრაელის გამო არ დავმშვიდდები, სანამ არ გამოვა მისი სიმართლე, როგორც ნათება, და მისი ხსნა, როგორც ანთებული ჩირაღდანი.

²და დაინახავენ ხალხები შენს სიმართლეს და ყოველი მეფე — შენს დიდებას, და გიწოდებენ შენ ახალ სახელს, რომელსაც

³და იქნები შენ მშვენების გვირგვინად უფლის ხელში და სამეფო დიადემად შენი ღმერთის ხელში.

⁴აღარ ითქმის შენზე „მიტოვებული,“ და შენს ქვეყანაზე აღარ ითქმის „უკაცრიელი“, რადგან გერქმევა შენ „მასშია ჩემი ნება“ და შენს ქვეყანას — „დაპატრონებული,“ რადგან მოგინება უფალმა და შენი ქვეყანა დაპატრონდება.

⁵როგორც ჭაბუკი ქორწინდება ქალწულზე, ისე დაქორწინდებიან შენზე შენი ძენი. და როგორც ნეფე ხარობს პატარძალზე, ისე შენი ღმერთი იხარებს შენზე.

⁶შენს გალავნებზე, ო იერუსალიმო, გუშაგნი დავაყენე, რომ არასოდეს არ დადუმდნენ, არც დღე და არც ღამე! გამხსენებელნო უფლისა, ნუ გაჩუმდებით

⁷და ნუ მოასვენებ მას, სანამ არ განამტკიცებს და არ გახდის იერუსალიმს ქება-დიდებად დედამიწაზე.

⁸დაიფიცა უფალმა თავისი მარჯვენა და ძალა თავისი მკლავისა: „არ მივცემ მეტად შენს მტრებს შენს ხორბალს საჭმელად და არ დალევენ უცხოტომელნი შენს მაჭარს,

⁹რადგან მისი მომსთვლელნი შეჭამენ მას და აქებენ უფალს, და მისი შემკრებნი შესვამენ მას ჩემი წმიდას ეზოებში.

¹⁰გაიარეთ, გაიარეთ კარიბჭეებში, განუმზადეთ გზა ერს, მოასწორეთ, მოასწორეთ სავალი, გაასუფთავეთ ქვისაგან, აღმართეთ ალამი ხალხებისათვის.

¹¹აჰა, უფალი აუწყებს დედამიწის კიდემდე; უთხარით სიონის ასულს: „ნახე, მოვიდა შენი ხსნა! ნახე, მისი საზღაური მასთანაა და მისი მისაგებელი მის წინაშეა.“

¹²და უწოდებენ მათ „წმიდა ერს, უფლის გამოსყიდულთ;“ შენ კი გიწოდებენ „მოძიებულს, მიუტოვებელ ქალაქს.“