Read ბიბლია ეზეკ. 48 Bible Online

ეზეკ. 48 - ბიბლია bible

ეზეკ. 48

¹„და ესენია ტომთა სახელები: ჩრდილოეთის კიდედან ხეთლონის გზასთან ხამათის მიმართულებით ხაცარ-ყენონი — დამასკოს საზღვარი ჩრდილოეთით, ხამათის გვერდით. და ექნება მას აღმოსავლეთის კიდე დასავლეთით — დანს ერთი წილი.

²დანის საზღვართან აღმოსავლეთის კიდიდან დასავლეთის კიდემდე — აშერს ერთი წილი.

³აშერის საზღვართან აღმოსავლეთის კიდიდან დასავლეთის კიდემდე — ნაფთალს ერთი წილი.

⁴ნაფთალის საზღვართან აღმოსავლეთის კიდიდან დასავლეთის კიდემდე — მენაშეს ერთი წილი.

⁵და მენაშეს საზღვართან აღმოსავლეთის კიდიდან დასავლეთის კიდემდე — ეფრემს ერთი წილი.

⁶და ეფრემის საზღვართან აღმოსავლეთის კიდიდან დასავლეთის კიდემდე — რეუბენს ერთი წილი.

⁷და რეუბენის საზღვართან აღმოსავლეთის კიდიდან დასავლეთის კიდემდე — იუდას ერთი წილი.

⁸და იუდას საზღვართან აღმოსავლეთი კიდიდან დასავლეთის კიდემდე იქნება შესაწირავი, რომელსაც შესწირავთ: ოცდახუთი ათასი სიგანით და სიგრძით, როგორც ერთი ნაწილი აღმოსავლეთის კიდიდან დასავლეთის კიდემდე, და იქნება საწმიდარი მის შიგნით.

⁹და შესაწირავი, რომელსაც შესწირავთ თქვენს უფალს, იქნება სიგრძით ოცდახუთი ათასი და სიგანით ათი ათასი.

¹⁰და მათთვის, მღვდელთათვის, იქნება წმიდა შესაწირავი: ჩრდილოეთით — ოცდახუთი ათასი და დასავლეთით — სიგანე ათი ათასი და აღმოსავლეთით — სიგანე ათი ათასი და სამხრეთით — სიგრძე ოცდახუთი ათასი. და იქნება უფლის საწმიდარი მის შიგნით.

¹¹ეს არის განწმედილ მღვდელთათვის, ცადოკის ძეთაგან, რომელთაც აღმისრულეს მოვალეობა, რომელნიც არ განმიდგნენ ისრაელის ძეთა განდგომისას, როგორც განმიდგნენ ლევიანები,

¹²იქნება მათთვის შესაწირავი ქვეყნის შესაწირავიდან წმიდათა წმიდა — ლევიანთა საზღვართან.

¹³და ლევიანთა მღვდელთა საზღვრის პირისპირ — ოცდახუთი ათასი სიგრძე და ათი ათასი სიგანე, მთელი სიგრძე ოცდახუთი ათასი და სიგრძე ათი ათასი.

¹⁴და ვერ გაყიდიან მისგან და ვერ გაცვლიან და ვერ გადასცემენ ქვეყნის ნათავარს, რადგან წმიდაა უფლისათვის.

¹⁵და დარჩენილი ხუთი ათასი სიგანით ოცდახუთი ათასი სიგრძით არის სადაგი ადგილი ქალაქისათვის, დასახლებისათვის და სანახებისთვის, და იქნება მის შიგნით ქალაქი.

¹⁶და ესაა მისი ზომები: ჩრდილოეთის საზღვარი — ოთხი ათას ხუთასი, და სამხრეთის საზღვარი — ოთხი ათას ხუთასი, და აღმოსავლეთის საზღვარი — ოთხი ათას ხუთასი, და დასავლეთის საზღვარი — ოთხი ათას ხუთასი.

¹⁷და იქნება სანახები ქალაქისა ჩრდილოეთით ორას ორმოცდაათი და სამხრეთით ორას ორმოცდაათი, აღმოსავლეთით ორას ორმოცდაათი და დასავლეთით ორას ორმოცდაათი.

¹⁸და დარჩენილი სიგრძე წმიდა შეწირულების პირისპირ — ათი ათასი აღმოსავლეთით და ათი ათასი დასავლეთით. და იქნება ეს წმიდა შეწირულების პირისპირ, და იქნება მისი მოსავალი ქალაქში მშრომელთა გამოსაკვებად.

¹⁹იმუშავებენ ქალაქში მშრომელნი ისრაელის ყოველი ტომიდან.

²⁰მთელი შეწირულება — ოცდახუთი ათასი ოცდახუთ ათასზე, ოთხკუთხედად შესწირეთ წმიდის შესაწირავი ქალაქის საკუთრებასთან ერთად.

²¹დანარჩენი კი მთავრისათვის იქნება წმიდის შესაწირავის და ქალაქის საკუთრების ორივე მხრიდან, მოპირდაპირედ — ოცდახუთი ათასი შესაწირავის პირისპირ საზღვრამდე აღმოსავლეთით და დასავლეთით, ოცდახუთი ათასი დასავლეთის საზღვარზე იუდასა და ბენიამინის ნაწილების პირდაპირ — მთავრისათვის. და ექნება წმიდის შესაწირავი და სახლის საწმიდარი მის შიგნით.

²²და ლევიანთა საკუთრებიდან და ქალაქის საკუთრებიდან იმ ნაწილის შიგნით, რომელიც მთავრისაა, იუდას საზღვარსა და ბენიამინის საზღვარს შორის, მთავრისათვის იქნება.

²³დანარჩენ ტომებს აღმოსავლეთის საზღვრიდან დასავლეთის საზღვრამდე — ბენიამინს ერთი.

²⁴ბენიამინის საზღვართან აღმოსავლეთის საზღვრიდან დასავლეთის საზღვრამდე — სიმონს ერთი.

²⁵სიმონის საზღვართან აღმოსავლეთის საზღვრიდან დასავლეთის საზღვრამდე — ისაქარს ერთი.

²⁶ისაქარის საზღვართან აღმოსავლეთის საზღვრიდან დასავლეთის საზღვრამდე — ზებულუნს ერთი.

²⁷ზებულუნის საზღვართან აღმოსავლეთის საზღვრიდან დასავლეთის საზღვრამდე — გადს ერთი.

²⁸გადის საზღვართან სამხრეთის საზღვრისაკენ სამხრეთით იქნება საზღვარი თამარიდან მერიბათ-კადეშის წყლამდე, დიდ ზღვამდე.

²⁹ეს არის ქვეყანა, რომელსაც გაანაწილებთ წილისყრით ისრაელის ტომთა სამკვიდრებლიდან და ესენია ქალაქის კარიბჭენი.“ — სიტყვა უფალი ღმერთისა.

³⁰და ესენია ქალაქის გასასვლელები: ჩრდილოეთის მხრიდან — ოთხი ათას ხუთასი ზომა.

³¹ქალაქის კარიბჭეები ისრაელის ტომთა სახელებით იწოდება: სამი კარიბჭე იქნება ჩრდილოეთით — რეუბენის კარიბჭე, იუდას კარიბჭე და ლევის კარიბჭე.

³²და აღმოსავლეთის საზღვართან, ოთხი ათას ხუთასი ზომა — სამი კარიბჭე იქნება: იოსების კარიბჭე, ბენიამინის კარიბჭე და დანის კარიბჭე.

³³და სამხრეთის საზღვარი — ოთხი ათას ხუთასი ზომა და სამი კარიბჭე იქნება: სიმონის კარიბჭე, ისაქარის კარიბჭე და ზებულუნის კარიბჭე.

³⁴დასავლეთის საზღვარი — ოთხი ათას ხუთასი — და მათი კარიბჭეები სამი: გადის კარიბჭე, აშერის კარიბჭე და ნაფთალის კარიბჭე.

³⁵ირგვლივ თვრამეტი ათასი. და ქალაქის სახელი იმ დღიდან ქნება — ‘უფალია იქ!’“