Read ბიბლია იესო. 19 Bible Online

იესო. 19 - ბიბლია bible

იესო. 19

¹და მეორე წილი ხვდა სიმონს, სიმონის ძეთა ტომს, მათი საგვარეულოების მიხედვით. და იყო მათი სამკვიდრო იუდას ძეთა სამკვიდროს შორის.

²და მათ სამკვიდროდ იყო: ბეერ-შებაყი, მოლადა,

³ხაცარ-შუყალი, ბალა, ყეცემი,

⁴ელთოლადი, ბეთული, ხორმა,

⁵ციკლაგი, ბეთ-მარქაბოთი, ხაცარ-სუსა,

⁶ბეთ-ლებაოთი და შარუხენი, სულ ცამეტი ქალაქი მათი სოფლებითურთ.

⁷და ყაინი, რიმონი, ყეთერი და ყაშანი — ოთხი ქალაქი მათი სოფლებითურთ.

⁸და ყველა სოფელი, რომელიც ამ ქალაქების ირგვლივ იყო, ბაყალათ-ბეერამდე და რამათ-ნეგებამდე, ესაა სამკვიდრო სიმონის ძეთა ტომისა მათი საგვარეულოების მიხედვით.

⁹იუდას ძეთა წილიდან გამოუყვეს სიმონის ძეთ სამკვიდრო, რადგან დიდი წილი ჰქონდათ იუდაელებს. და დაიმკვიდრეს სიმონის ძეთ მათ სამკვიდროთა შორის.

¹⁰მესამე წილი ერგო ზებულუნის ძეთ მათი საგვარეულოების მიხედვით, და მათი სამკვიდროს საზღვარი იყო სარიდიმდე.

¹¹და მიიწევდა მათი საზღვარი ზღვისკენ და მარყალასაკენ, და ეკვროდა დაბეშეთს და აღწევდა ხევს, იოკნეყამის წინ რომ არის.

¹²და სარიდიდან უხვევდა აღმოსავლეთისაკენ ქისლოთ-თაბორამდე, და გადიოდა დაბრათისკენ, და მიიწევდა იაფიაყისკენ.

¹³და იქიდან გადიოდა აღმოსავლეთის მიმართულებით მზის აღმოსავლეთისკენ, გათ-ხეფერისკენ, ყითა-კაცინისაკენ, და გადადიოდა რიმონისკენ და უხვევდა ნეყასაკენ.

¹⁴და უხვევდა ის საზღვარი ჩრდილოეთიდან ხანათონისკენ, და თავდებოდა იფთახელის ველზე.

¹⁵და კატათი, ნაჰალალი, შიმრონი, იდალა და ბეთლემი — თორმეტი ქალაქი მათი სოფლებითურთ.

¹⁶ეს იყო ზებულუნის ძეთა სამკვიდრო — ეს ქალაქები მათი სოფლებითურთ.

¹⁷ისაქარს ერგო მეოთხე წილი, ისაქარის ძეთ მათი საგვარეულოების მიხედვით.

¹⁸და იყო მათი მიწა-წყალი იზრეყელი, ქესულოთი, შუნემი,

¹⁹ხაფარაიმი, შიონი, ანახარათი,

²⁰რაბითი, კიშიონი, ებეცი,

²¹რემეთი, ყენ-განიმი, ყენ-ხადა და ბეთ-ფაცეცი.

²²და ეკვროდა საზღვარი თაბორს, და შახაციმას, ბეთ-შემეშს. საზღვარი თავდებოდა იორდანესთან: თექვსმეტი ქალაქი მათი სოფლებითურთ.

²³ეს იყო სამკვიდრო ისაქარის ტომისა მათი საგვარეულოების მიხედვით: ეს ქალაქები მათი სოფლებითურთ.

²⁴და ერგო მეხუთე წილი აშერის ძეთა ტომს მათი საგვარეულოების მიხედვით.

²⁵და მათი მიწა-წყალი იყო: ხელკათი, ხალი, ბეტენი, აქშაფი,

²⁶ალამელექი, ყამყადი და მიშალი. და ეკვროდა დასავლეთიდან ქარმელსა და შიხორ-ლიბნათს.

²⁷და ბრუნდებოდა მზის აღმოსავლეთის მიმართულებით, ბეთ-დაგონისკენ, და ეკვროდა ზებულუნს და იფთახ-ელის ველს ჩრდილოეთიდან, ბეთ-ყემეკს და ნეყიელს, და გადიოდა ქაბულისაკენ მარცხნივ;

²⁸და ყებრონი, რეხობი, ხამონი და კანა ვიდრე დიდ ციდონამდე.

²⁹და ბრუნდებოდა საზღვარი რამასკენ ცორის გამაგრებულ ქალაქამდე, და უხვევდა საზღვარი ხოსასკენ, და თავდებოდა იგი ზღვასთან, აქზიბის მხარეში,

³⁰და ყუმა, აფეკი და რეხობი — ოცდაორი ქალაქი მათი სოფლებითურთ.

³¹ეს იყო აშერის ძეთა ტომის სამკვიდრო მათი საგვარეულოების მიხედვით — ეს ქალაქები და მათი სოფლები.

³²და ნაფთალის ძეთ ერგოთ მეექვსე წილი: ნაფთალის ძეთ — მათი საგვარეულოების მიხედვით.

³³და იყო მათი საზღვარი ხელეფიდან, ცაყანანიმის მუხიდან, ადამი-ნეკებიდან და იაბნეელიდან ვიდრე ლაკუმამდე, თავდებოდა იორდანესთან.

³⁴და ბრუნდებოდა საზღვარი დასავლეთის მიმართულებით აზნოთ-თაბორისკენ, და გადიოდა იქიდან ხუკოკისაკენ, და ეკვრის ზებულუნს სამხრეთიდან, და ეკვროდა აშერს დასავლეთიდან, და იუდას — იორდანედან, მზის აღმოსავლეთით.

³⁵და ციხე-ქალაქები: ციდიმი, ცერი, ხამათი, რაკათი, ქინერეთი,

³⁶ადამა, რამა, ხაცორი,

³⁷კედეში, ედრეყი, ყენ-ხაცორი,

³⁸ირონი, მიგდალ-ელი, ხორემი, ბეთ-ყანათი და ბეთ-შემეში — ცხრამეტი ქალაქი თავისი სოფლებითურთ.

³⁹ეს იყო ნაფთალის ძეთა ტომის სამკვიდრო მათი საგვარეულოების მიხედვით: ეს ქალაქები მათი სოფლებითურთ.

⁴⁰დანის ძეთა ტომს მათი საგვარეულოების მიხედვით ერგო მეშვიდე წილი.

⁴¹და მათი სამკვიდროს საზღვარი იყო: ცორყა, ეშთაოლი, ყირ-შემეში,

⁴²შაყალაბინი, აიალონი, ითლა,

⁴³ელონი, თიმნა, ყეკრონი,

⁴⁴ელთეკე, გიბთონი, ბაყალათი,

⁴⁵იეჰუდი, ბენებარაკი, გათ-რიმონი,

⁴⁶მე-იარკონი და რაკონი თავისი საზღვრით იაფოს პირდაპირ.

⁴⁷და დანის ძეთა საზღვარი მათგან გამოდიოდა. და ავიდნენ დანის ძენი და შეებრძოლნენ ლეშემს, და აიღეს იგი და მოსრეს მახვილის პირით, და ის დაიმკვიდრეს და იქ დასახლდნენ. და უწოდეს ლეშემს დანი, მათი მამის, დანის სახელის მიხედვით.

⁴⁸ეს იყო დანის ძეთა ტომის სამკვიდრო მათი საგვარეულოების მიხედვით: ეს ქალაქები და მათი სოფლები.

⁴⁹და როცა მორჩნენ ქვეყნის დამკვიდრებას მისი საზღვრებითურთ, მაშინ მისცეს ისრაელის ძეთ სამკვიდრო იესოს, ნავეს ძეს, თავიანთ შორის.

⁵⁰უფლის ბრძანებით მისცეს მას ქალაქი თიმნათ-სერახი, რომელიც მოითხოვა ეფრემის მთაზე. და ააშენა ქალაქი და იქ დასახლდა.

⁵¹ესენი იყო სამკვიდროები, რომელნიც დაუმკვიდრეს ელეაზარ მღვდელმა, იესომ, ნავეს ძემ, და მთავრებმა ისრაელის ძეთა ტომებს წილისყრით სილოამში, უფლის წინაშე, საკრებულო კარვის კარიბჭესთან. და დაასრულეს ქვეყნის გაყოფა.