Read მცხეთური ხელნაწერი–გ. მთაწმინდელი ფსალმუნები 112 Bible Online

ფსალმუნები 112 - მცხეთური ხელნაწერი–გ. მთაწმინდელი bible

ფსალმუნები 112

¹აქებდით ყრმანი უფალსა, აქებდით სახელსა უფლისასა.

²იყავნ სახელი უფლისაჲ კურთხეულ ამიერითგან და უკუნისამდე;

³მზისა აღმოსავალითგან ვიდრე დასავალადმდე ქებულ არს სახელი უფლისა.

⁴მაღალ არს ყოველთა თესლთა ზედა უფალი, და ცათა შინა არს დიდებაჲ მისი.

⁵ვინ არს, ვითარ უფალი ღმერთი ჩუენი, რომელი მაღალთა შინა დამკჳდრებულ არს

⁶და მდაბალთა ჰხედავს ცათა შინა და ქუეყანასა ზედა?

⁷რომელმან აღადგინის ქუეყანისაგან გლახაკი და სკორეთაგან აღამაღლის დავრდომილი,

⁸რათა დასუას იგი მთავართა თანა, მთავართა თანა ერისა მისისათა;

⁹რომელმან დააშენის ბერწი სახლსა შინა, დედად შვილთა ზედა სახარულევანად.