Read მცხეთური ხელნაწერი–გ. მთაწმინდელი ფსალმუნები 120 Bible Online

ფსალმუნები 120 - მცხეთური ხელნაწერი–გ. მთაწმინდელი bible

ფსალმუნები 120

¹აღვიხილენ თუალნი ჩემნი მთათა, ვინა მოვიდეს შეწევნა ჩემი?

²შეწევნა ჩემი უფლისა მიერ, რომელმან ქმნნა ცანი და ქუეყანაჲ.

³ნუ მისცემ შეძრვად ფერჴსა შენსა, არცა ჰრულეს მცველსა შენსა.

⁴აჰა, არა ჰრულეს, არცა დაიძინოს მცველმან ისრაჱლისამან.

⁵უფალმან გიცვას შენ, უფალი მფარველ შენდა ჴელსა ზედა მარჯუენესა შენსა.

⁶მზემან დღისი შენ არა შეგწუას, არცა მთოვარემან ღამე.

⁷უფალმან გიცვას შენ ყოვლისაგან ბოროტისა, დაიცვას სული შენი უფალმან.

⁸უფალმან იცევინ შესლვა შენი და გამოსლვა შენი ამიერითგან და უკუნისამდე.