Read მცხეთური ხელნაწერი–გ. მთაწმინდელი ფსალმუნები 123 Bible Online

ფსალმუნები 123 - მცხეთური ხელნაწერი–გ. მთაწმინდელი bible

ფსალმუნები 123

¹არა თუმცა უფალი იყო ჩუენ თანა, თქუნ ისრაჱლმან,

²არა თუმცა უფალი იყო ჩუენ თანა, რაჟამს კაცნი აღდგებოდეს ჩუენ ზედა,

³ცხოველნიცა ვიდრემე შთამთქნეს ჩუენ, რაჟამს განრისხნა გულისწყრომა მათი ჩუენ ზედა;

⁴წყალთამცა ვიდრემე დამთქნეს ჩუენ,

⁵ღუარსა განჴდა სული ჩუენი. განჴდამეა სული ჩუენი წყალსა მას წინა დაუდგრომელსა?

⁶კურთხეულ არს უფალი, რომელმან არა მიმცნა ჩუენ ნადირად კბილთა მათთა.

⁷სული ჩუენი, ვითარცა სირი, განერა მახისა მისგან მონადირეთასა; საბრჴე შეიმუსრა, და ჩუენ განვერენით.

⁸შეწევნა ჩუენი სახელითა უფლისაჲთა, რომელმან ქმნა ცანი და ქუეყანა. დიდება