Read მცხეთური ხელნაწერი–გ. მთაწმინდელი ფსალმუნები 6 Bible Online

ფსალმუნები 6 - მცხეთური ხელნაწერი–გ. მთაწმინდელი bible

ფსალმუნები 6

¹დასასრულსა, გალობასა შინა, მერვისათჳს, ფსალმუნი დავითისი. უფალო, ნუ გულისწყრომითა შენითა მამხილებ მე, ნუცა რისხვითა შენითა მსწავლი მე.

²მიწყალე მე, უფალო, რამეთუ უძლურ ვარ; განმკურნე მე, უფალო, რამეთუ შემიძრწუნდეს ძუალნი ჩემნი.

³და სული ჩემი შეძრწუნდა ფრიად; და შენ, უფალო, ვიდრემდის?

⁴მოიქეც, უფალო, იჴსენ სული ჩემი, მაცხოვნე მე წყალობისა შენისათჳს,

⁵რამეთუ არა არს, ვინ სიკუდილსა შინა მოგიჴსენოს შენ, ანუ ჯოჯოხეთს შინა ვინ აღგიაროს შენ.

⁶დავშუერი მე სულთქმითა ჩემითა, დავბანო მარად ღამე ცხედარი ჩემი, ცრემლითა ჩემითა სარეცელი ჩემი დავალტვო.

⁷განრისხდა გულისწყრომითა თუალი ჩემი, განვჰკფდი მე ყოველთა ზედა მტერთა ჩემთა.

⁸განმეშორენით ჩემგან ყოველნი მოქმედნი უსჯულოებისანი,

⁹რამეთუ შეესმა უფალსა ჴმაჲ ტირილისა ჩემისა; ისმინა უფალმან ვედრებისა ჩემისა, უფალმან ლოცვა ჩემი შეიწყნარა.

¹⁰ჰრცხუენოდედ და შეძრწუნდედ ყოველნი მტერნი ჩემნი, მართლუკუნიქცედ და ჰრცხუენოდედ ფრიად და მსთუად. დიდება