Read მცხეთური ხელნაწერი–გ. მთაწმინდელი ფსალმუნები 94 Bible Online

ფსალმუნები 94 - მცხეთური ხელნაწერი–გ. მთაწმინდელი bible

ფსალმუნები 94

¹მოვედით, უგალობდეთ უფალსა, ვღაღადებდეთ ღმრთისა მიმართ მაცხოვარისა ჩუენისა.

²აღვიმსთო წინაშე პირსა მისსა აღსაარებითა, და ფსალმუნითა უღაღადებდეთ მას,

³რამეთუ ღმერთი დიდ არს უფალი და მეუფე დიდ არს ყოველსა ქუეყანასა ზედა;

⁴რამეთუ ჴელსა შინა მისსა არიან ყოველნიკიდენი ქუეყანისანი და სიმაღლენი მთათანიმისნი არიან;

⁵რამეთუ მისი არს ზღუაჲ და ამან შექმნა იგი, და ჴმელი ჴელთა მისთა დაჰბადეს.

⁶მოვედით, თაყუანის–ვსცეთ და შეუვრდეთ მას და ვტიროდეთ წინაშე უფლისა შემოქმედისა ჩუენისა,

⁷რამეთუ იგი არს ღმერთი ჩუენი, და ჩუენ ერი სამწყსოსა მისისა და ცხოვარნი ჴელისა მისისანი.

⁸დღეს თუ ჴმისა მისისა ისმინოთ, ნუ განიფიცხებთ გულთა თქუენთა;

⁹ვითარცა–იგი განმწარებასა მას დღისა მისებრ განცდისა უდაბნოსა ზედა; სადა–იგი განმცადეს მე მამათა თქუენთა; გამომცადეს მე და იხილნეს საქმენი ჩემნი.

¹⁰ორმეოც წელ ამისთჳს მოვიწყინე ნათესავი იგი და ვრქუ: მარადის სცთებიან იგინი გულითა მათითა და მათ არა იცნეს გზანი ჩემნი,

¹¹ვითარცა ვეფუცე რისხვითა ჩემითა, უკუეთუ შევიდენ იგინი განსასუენებელსა ჩემსა.