Read საპატრიარქო დაბადება 5 Bible Online

დაბადება 5 - საპატრიარქო bible

დაბადება 5

¹ეს არის ადამის წარმოშობის წიგნი: როცა გააჩინა ღმერთმა ადამი, ღვთის მსგავსად შექმნა იგი;

²მამაკაცად და დედაკაცად გააჩინა ისინი, აკურთხა და უწოდა მათ სახელად ადამი, მათი შექმნის დღეს.

³ადამმა ას ოცდაათი წელი იცოცხლა და შეეძინა თავისი მსგავსი და თავისი ხატი, და უწოდა სახელად შეთი.

⁴შეთის დაბადების შემდეგ შეემატა ადამს რვაასი წელი და შვა ძენი და ასულნი.

⁵სრული ხანი ადამისა, რაც იცოცხლა, იყო ცხრაას ოცდაათი წელი და მოკვდა.

⁶იცოცხლა შეთმა ას ხუთი წელი და შვა ენოში.

⁷იცოცხლა შეთმა ენოშის დაბადების შემდეგ რვაას შვიდი წელი და შვა ძენი და ასულნი.

⁸სრული ხანი შეთისა იყო ცხრაას თორმეტი წელი, და მოკვდა.

⁹იცოცხლა ენოშმა ოთხმოცდაათი წელი და შვა კაინანი.

¹⁰იცოცხლა ენოშმა კაინანის დაბადების შემდეგ რვაას თხუთმეტი წელი და შვა ძენი და ასულნი.

¹¹სრული ხანი ენოშისა იყო ცხრაას ხუთი წელი, და მოკვდა.

¹²იცოცხლა კაინანმა სამოცდაათი წელი და შვა მაჰალალეელი.

¹³იცოცხლა კაინანმა მაჰალალეელის დაბადების შემდეგ რვაას ორმოცი წელი და შვა ძენი და ასულნი.

¹⁴სრული ხანი კაინანისა იყო ცხრაას ათი წელი, და მოკვდა.

¹⁵იცოცხლა მაჰალალეელმა სამოცდახუთი წელი და შვა იარედი.

¹⁶იცოცხლა მაჰალალეელმა იარედის დაბადების შემდეგ რვაას ოცდაათი წელი და შვა ძენი და ასულნი.

¹⁷სრული ხანი მაჰალალეელისა იყო რვაას ოთხმოდათხუთმეტი წელი, და მოკვდა.

¹⁸იცოცხლა იარედმა ას სამოცდაორი წელი და შვა ენოქი.

¹⁹იცოცხლა იარედმა ენოქის დაბადების შემდეგ რვაასი წელი და შვა ძენი და ასულნი.

²⁰სრული ხანი იარედისა იყო ცხრაას სამოცდაორი წელი, და მოკვდა.

²¹იცოცხლა ენოქმა სამოცდახუთი წელი და შვა მეთუშალახი.

²²დადიოდა ღმერთთან ენოქი მეთუშალახის დაბადების შემდეგ სამასი წელი და შვა ძენი და ასულნი.

²³სრული ხანი ენოქისა იყო სამას სამოცდახუთი წელი.

²⁴დადიოდა ღმერთთან ენოქი და აღარ იყო, რადგან წაიყვანა იგი ღმერთმა.

²⁵იცოცხლა მეთუშალახმა ას ოთხმოცდახუთი წელი და შვა ლამექი.

²⁶იცოცხლა მეთუშალახმა ლამექის დაბადების შემდეგ შვიდას სამოცდათორმეტი წელი და შვა ძენი და ასულნი.

²⁷სრული ხანი მეთუშალახისა იყო ცხრაას სამოცდაცხრა წელი, და მოკვდა.

²⁸იცოცხლა ლამექმა ას ოთხმოცდაორი წელი და შვა ძე.

²⁹უწოდა მას სახელად ნოე. ასე თქვა: ეს გვანუგეშებს ჩვენს შრომასა და ჯაფაში ამ მიწაზე, რომელიც დასწყევლა უფალმა.

³⁰იცოცხლა ლამექმა ნოეს დაბადების შემდეგ ხუთას ოთხმოცდათხუთმეტი წელი და შვა ძენი და ასულნი.

³¹სრული ხანი ლამექისა იყო შვიდას სამოცდაჩვიდმეტი წელი, და მოკვდა.

³²ოთხმოცდაათი წლისა იყო ნოე, როცა შვა სემი, ქამი და იაფეთი.