Read საპატრიარქო 1 ნეშტთა 2 Bible Online

1 ნეშტთა 2 - საპატრიარქო bible

1 ნეშტთა 2

¹ესენი არიან ისრაელის ძენი: რეუბენი, სიმონი, ლევი, იუდა, ისაქარი, ზებულუნი,

²დანი, იოსები, ბენიამინი, ნაფთალი, გადი და აშერი.

³იუდას ძენი: ყერი, ონანი და შელა. ქანაანელი შუაყის ასულისგან მას სამი შეეძინა. იუდას პირმშო ყერი ბოროტი იყო უფლის თვალში, ამიტომ მოაკვდინა იგი.

⁴თამარმა, მისმა რძალმა, შვა ფერეცი და ზარახი. იუდას სულ ხუთი ვაჟი ჰყავდა.

⁵ფერეცის ძენი: ხეცრონი და ხამული.

⁶ზერახის ძენი: ზიმრი, ეთანი, ჰემანი, ქალქოლი და დარაყი - ხუთნი.

⁷ქარამის ძენი: ყაქარი, ფიცი რომ გადეხა და ისრაელს უბედურება შეამთხვია.

⁸ეთანის ძე: ყაზარია.

⁹ხეცრონის ძენი, მას რომ შეეძინნენ: იერახმეელი, რამი და ქელუბაი.

¹⁰რამმა შვა: ყამინადაბი. ყამინადაბმა შვა ნახშონი, იუდას ძეთა წინამძღოლი.

¹¹ნახშონმა შვა სალმა. სალმამ შვა ბოყაზი.

¹²ბოყაზმა შვა ყობედი. ყობედმა შვა იესე.

¹³იესემ შვა თავისი პირმშო ელიაბი, მეორე - აბინადაბი, მესამე - შიმყა,

¹⁴მეოთხე - ნეთანელი, მეხუთე - რადაი,

¹⁵მეექვსე - ოცემი, მეშვიდე - დავითი.

¹⁶მათი დები: ცერუია და აბიგაილი. ცერუიას ძენი: აბშაი, იოაბი და ყასაელი - სამნი.

¹⁷აბიგაელმა შვა ყამასა. ყამასას მამა იეთერი ისმაელიანი იყო.

¹⁸ქალებს, ხეცრონის ძეს, ყაზუბასაგან, თავისი ცოლისგან, და იერიყოთისაგან შვილები შეეძინნენ. აჰა, მისი ძენი: იეშერი, შობაბი და არდონი.

¹⁹მოკვდა ეაზუბა და ქალებმა ეფრათი შეირთო ცოლად. მასთან შეეძინა ხური.

²⁰ხურმა შვა ური, ურმა შვა ბეცალიელი.

²¹მერე ხეცრონი გალაადის მამის ასულთან შევიდა და ცოლად შეირთო. მაშინ იგი სამოცი წლისა იყო. მასთან შეეძინა სეგუბი.

²²სეგუბმა შვა იაირი. გალაადის ქვეყანაში მას ოცდასამი ქალაქი ჰქონდა.

²³გეშურმა და არამმა წაართვა მათ იაირის დაბები, კენათი თავის ქალაქებიანად - სულ სამოცი ქალაქი. ყველა ესენი გალაადის მამის, მაქირის ძენი არიან.

²⁴მას შემდეგ, რაც ხეცრონი ქალებ-ეფრათში მოკვდა, ხეცრონის ცოლს, აბიას შეეძინა აშხური, თეკოაყის მამა.

²⁵ხეცრონის პირმშოს, იერახმეელის ძენი იყვნენ: პირმშო რამი, ბუნა, ორენი, ოცემი და ახია.

²⁶იერახმეელის სხვა ცოლიც ჰყავდა, სახელად ყაცრა. ის იყო ონამის დედა.

²⁷იერახმეელის პირმშოს, რამის ძენი იყვნენ: მაყაცი, იამინი და ყეკერი.

²⁸ონამის ძენი იყვნენ: შამაი და იდაყი. შამაის ძენი: ნადაბი და აბიშური.

²⁹აბიშურის ცოლს ერქვა აბიხაილი. მან შვა ახბანი და მოლიდი.

³⁰ნედაბის ძენი: სელედი და აფაიმი. სელედი უშვილოდ მოკვდა.

³¹აფაიმს ყავდა ძე - იშყი. იშყის ძე იყო შეშანი. შეშანის ძე იყო ახლაი.

³²იადაყის ძენი: ახი, შამი, იეთერი და იონათანი. იეთერი უშვილოდ მოკვდა.

³³იონათანის ძენი: ფელეთი, ზაზა. ესენი იერახმელის ძენი იყვნენ.

³⁴შეშანს ვაჟები არ ჰყოლია, მხოლოდ ასულები ჰყავდა. შეშეთს ეგვიპტელი მორჩილი ჰყავდა, სახელად იარხაყი.

³⁵შეშეთმა თავისი ასული თავის მორჩილს, იარნაყს, მისცა ცოლად. მას შეეძინა ყათაი.

³⁶ყათაიმ შვა ნათანი; ნათანმა შვა ზაბადი.

³⁷ზაბადმა შვა ეფლალი, ეფლალმა შვა ყობედი.

³⁸ყობედმა შვა იეჰუ, იეჰუმ შვა ყაზარია.

³⁹ყაზარიამ შვა ხალეცი, ხალეცმა შვა ელყასა.

⁴⁰ელყასამ შვა სისმაი, სისმაიმ შვა შალუმი.

⁴¹შალუმმა შვა იეკამია, იეკამიამ შვა ელიშამაყი.

⁴²იერახმეელის ძმის, ხალების ძენი: მისი პირმშო მეშაყი, ეს არის ზიფის მამა; და მარეშას, ხებრონის მამის ძენი.

⁴³ხებრონის ძენი: კორახი, თაფუახი, რეკემი, შემაყი.

⁴⁴შემაყმა შვა რახამი, იარკეყამის მამა. რეკემმა შვა შამაი.

⁴⁵შამაის ძე იყო მაყონი. მაყონი იყო მამა ბეთ-ცურისა.

⁴⁶ქალების ხარჭას, ყეფას, შეეძინა: ხარანი, მოცავი და გაზეზი. ხარანმა შვა გაზეზი.

⁴⁷იაჰდაის ძენი: რეგემი, იოთამი, გეშანი, ფელეტი, ყეფა და შაყაფი.

⁴⁸ქალების ხარჭას, მაყაქას, შეეძინა: შებერი, თირხანა,

⁴⁹მადმანას მამა შაყაფი, მაქბენასა და გიბყას მამა შევა. ქალების ასული ყაქსა.

⁵⁰ესენი იყვნენ ქალების ძენი: ხურის ძე შობალი, ეფრათას პირმშო, მამა კირიათ-იეყარიმისა,

⁵¹სალმა, მამა ბეთ-ლეხემისა, და ხარეფი, მამა ბეთ-გადელისა.

⁵²შობალს, კირიათ-იეყარიმის მამას, ჰყავდა ვაჟები - ჰაროე და ხაცი-ჰამენუხოთი.

⁵³კირიათ-იეყარიმის საგვარეულონი: ითრიელნი, ფუთიელნი, შუმათიელნი და მიშრაყიელნი. მათგან გამოვიდნენ: ცორყელნი და ეშთაოლელნი.

⁵⁴სალმას ძენი: ბეთ-ლეხემი, ნეტოფათიელნი, ყატრო-ბეთ-იოაბი, ხაცი-ჰამანახთი, ცორყიელნი.

⁵⁵იაყბეცში მცხოვრებ მწიგნობართა საგვარეულონი: თირყათელნი, შიმყათიელნი, სუქათიელნი. ესენი კინიელნი არიან, ბეთ-რექაბას მამის, ხამათის, შთამომავლები.