Read საპატრიარქო 1 ნეშტთა 24 Bible Online

1 ნეშტთა 24 - საპატრიარქო bible

1 ნეშტთა 24

¹აარონიანებს თავიანთი დასები აქვთ. აარონიანები: ნადაბი, აბიჰუ, ელყეზერი და ითამარი.

²ნადაბი და აბიჰუ მამაზე ადრე დაიხოცნენ, ისე რომ ვაჟები არ ჰყოლიათ. ელყაზარი და ითამარი შეუდგნენ მღვდელმსახურებას.

³გაამწესა დავითმა ცადოკი, ელყაზარის ძეთაგან და ახიმელეხი, ითამარის ძეთაგან, თავ-თავიანთ სამსახურში, თავ-თავიანთი მოვალეობისდა მიხედვით.

⁴აღმოჩნდა, რომ ელყაზარის შვილებში კაცები უფრო მეტნი იყვნენ, ვიდრე ითამარის შვილებში. დაანაწილეს მათ ისინი: ელყაზარის ძეთა მამისსახლებს თექვსმეტი თავკაცი არგუნეს, ხოლო ითამარის ძეთა მამისსახლებს - რვა თავკაცი.

⁵ერთმანეთში წილისყრით დაინაწილეს, რადგან საწმიდრის წინამძღოლები და ღვთის სახლის წინამძღოლები ელეაზარისა და ითამარის ძეთაგან იყვნენ.

⁶ისინი აღნუსხა შემაყია ნეთანელის ძემ, ლევიანთა მწიგნობარმა, მეფისა და მთავართა წინაშე, ცადოკ მღვდლისა და ახიმელეხ აბიათარის ძის წინაშე, მღვდლების და ლევიანების მამისსახლთა თავკაცთა წინაშე. ერთი მამისსახლი ელყაზარს უყრიდა წილს და ერთი ითამარს უყრიდა წილს.

⁷პირველი წილი იეჰოარიბს შეხვდა, მეორე - იედაყიას,

⁸მესამე - ხარემს, მეოთხე - სეყორიმს,

⁹მეხუთე - მალქიას, მეექვსე - მიამიმს,

¹⁰მეშვიდე - ჰაკოცს, მერვე - აბიას,

¹¹მეცხრე - იეშუაყს, მეათე - შექანიაჰუს,

¹²მეთერთმეტე - ელიაშიბს, მეთორმეტე - იაკიმს,

¹³მეცამეტე - ხეფას, მეთოთხმეტე - იეშებაბს,

¹⁴მეთხუთმეტე - ბილგას, მეთექვსმეტ იმერს,

¹⁵მეჩვიდმეტე - ხეზირს, მეთვრამეტე - ჰაფიცეცს,

¹⁶მეცხრამეტე - ფეთახიას, მეოცე - იეხეზკელს,

¹⁷ოცდამეერთე - იახინს, ოცდამეორე - გამულს,

¹⁸ოცდამესამე - დელაიაჰუს, ოცდამეოთხე - მაყაზიაჰუს.

¹⁹ეს არის მათი განაწესი, თუ როგორ უნდა მისულიყვნენ უფლის სახლში იმ სამსახურის გასაწევად, მათი მამის, აარონის ხელით რომ იყო დაწესებული ისე, როგორც უფალმა, ისრაელის ღმერთმა უბრძანა მას.

²⁰დანარჩენი ლევიანები: ყამრამის ძეთაგან შუბაელი, შუბაელის ძეთაგან იეხიდიაჰუ.

²¹რეხაბიაჰუსგან: რეხაბიაჰუს ძეთაგან იშია იყო თავკაცი.

²²იცჰარიელთაგან: შელომოთი. შელომოთის ძეთაგან იახათი.

²³ხებრონის ძეთაგან: იერიაჰუ, ამარიაჰუ - მეორე, იახაზიელი - მესამე, იეკამყამი - მეოთხე.

²⁴ყუზიელის ძეთაგან: მიქა. მიქას ძეთაგან: შამირი.

²⁵მიქას ძმა იყო იშია. იშიას ძეთაგან: ზაქარიაჰუ.

²⁶მერარის ძენი: მახლი და მუში. იაყაზიაჰუს ძეთაგან: ბენო.

²⁷მერარის ძენი იაყაზიაჰუსგან: ბენო, შოხამი, ზაქური და ყიბრი.

²⁸მახლისგან: ელყაზარი, რომელსაც ვაჟები არ ჰყოლია.

²⁹კიშისგან: კიშის ძე იერახმეელი.

³⁰მუშის ძენი: მახლი, ყედერი, იერიმოთი. აჰა, ლევიანები, თავ-თავიანთი მამისსახლებისდა მიხედვით.

³¹მამისსახლთა თავკაცებმა უმცროსი ძმების თანასწორად ყარეს წილი თავიანთი ძმების, აარონიანთა მსგავსად, მეფე დავითის, ცადოკის, ახიმელექის, მღვდლებისა და ლევიანების მამისსახლთა თავკაცების წინაშე.