Read საპატრიარქო ფსალმუნები 10 Bible Online

ფსალმუნები 10 - საპატრიარქო bible

ფსალმუნები 10

¹გუნდისლოტბარს, დავითისფსალმუნი. უფალზე ვარ მინდობილი; როგორ ეტყვით ჩემს სულს: „გადაიხვეწე ჩიტივით თქვენს მთებში“.

²რადგან აგერ ბოროტნი მოზიდავენ მშვილდს, ლარზე მიამაგრებენ ისარს, რომ სიბნელიდან ესროლონ გულმართლებს.

³თუ საძირკვლები დანგრეულია, მართალმა რა ჰქნას?

⁴უფალი თავის წმიდა ტაძარშია, ცაშია უფლის ტახტი; მისი თვალები იმზირებიან, ქუთუთოები ამოწმებენ ადამის შვილებს.

⁵უფალი მართალს გადაარჩენს, ხოლო ბოროტი და ძალადობის მოყვარული სძულს მის სულს.

⁶ნაკვერჩხალს აწვიმებს ბოროტთა ზედა, ცეცხლსა და გოგირდს; და ქარბორბალა ხვედრია მათი.

⁷რადგან მართალია უფალი, უყვარს სიმართლე. გულწრფელი იხილავს მის სახეს.