Read საპატრიარქო ფსალმუნები 109 Bible Online

ფსალმუნები 109 - საპატრიარქო bible

ფსალმუნები 109

¹დავითისფსალმუნი. უთხრა უფალმა მეუფეს ჩემსას: იჯექი ჩემს მარჯვნივ, ვიდრე დავანარცხებდე შენს მტრებს შენს ფეხთა ქვეშ.

²კვერთხს შენი ძალისას გამოგიგზავნის უფალი სიონიდან; იბატონე შენს მტერთა შორის.

³შენი ხალხი მოხალისედ წამოვა შენი გალაშქრების ჟამს წმიდა ბრწყინვალებით; განთიადის საშოდანვე შენთანაა ნამი შენი სიყრმისა.

⁴დაიფიცა უფალმა და არ მოინანიებს: შენ ხარ მღვდელი უკუნისამდე მელქიცედეკის წესით.

⁵უფალი შენს მარჯვნივაა, თავის რისხვის დღეს მოსპობს მეფეებს.

⁶განსჯის ხალხებს, აავსებს მძორებით, მრავალს გაუჭეჭყავს თავს მიწაზე.

⁷ნაკადულიდან დალევს გზაში, ამიტომ მაღლა ასწევს თავს.