Read საპატრიარქო ფსალმუნები 112 Bible Online

ფსალმუნები 112 - საპატრიარქო bible

ფსალმუნები 112

¹ადიდეთ უფალი! ადიდეთ, მორჩილნი უფლისა, ადიდეთ უფლის სახელი!

²იყოს სახელი უფლისა კურთხეული ამიერიდან უკუნისამდე.

³მზის აღსავლიდან დასავალამდე განდიდებულია სახელი უფლისა.

⁴მაღალია ყველა ხალხზე უფალი, ცათა მაღლაა მისი დიდება.

⁵ვინ არის, ვითარცა უფალი, ღმერთი ჩვენი, მაღლა დამკვიდრებული?

⁶დაბლა მჭვრეტელი, რომ ხედავდეს ცას და ქვეყანას,

⁷წამოაყენოს მტვრიდან საწყალი, სანაგვიდან აღამაღლოს ღატაკი.

⁸რათა დასვას დიდებულებთან, თავისი ხალხის დიდებულებთან.

⁹უშვილოს სახლში დაამკვიდროს დედად, რომელიც ხარობს თავის შვილებით. ადიდეთ უფალი!