Read საპატრიარქო ფსალმუნები 115 Bible Online

ფსალმუნები 115 - საპატრიარქო bible

ფსალმუნები 115

¹მწამდა, როცა ვიტყოდი: გავიტანჯე ფრიად.

²ვთქვი ჩემი აჩქარებისას: ყოველი კაცი ცრუა.

³რით გადავუხადო უფალს ყოველივე, რაც მე მომიზღო?

⁴თასს შეწევნისას ავიღებ და უფლის სახელს წარმოვთქვამ.

⁵ჩემს აღთქმებს უფლისადმი შევასრულებ მთელი მისი ხალხის წინაშე.

⁶მძიმეა უფლის თვალში სიკვდილი მისი წმიდანებისა.

⁷გევედრები, უფალო, რადგან მე მორჩილი ვარ შენი; მორჩილი ვარ შენი, ძე შენი მხევლისა; გახსენი ჩემი ბორკილები.

⁸შენ შემოგწირავ ქების შესაწირავს და უფლის სახელს მოვუხმობ.

⁹ჩემს აღთქმებს უფლისადმი შევასრულებ მთელი მისი ხალხის წინაშე.

¹⁰უფლის სახლის ეზოში, შენს შუაგულში, იერუსალიმო! ადიდეთ უფალი!