Read საპატრიარქო ფსალმუნები 121 Bible Online

ფსალმუნები 121 - საპატრიარქო bible

ფსალმუნები 121

¹გალობა აღსავალთა. დავითისათვის. გავიხარე, როცა მითხრეს: უფლის სახლში წავიდეთ.

²იდგნენ ფეხნი ჩვენნი შენს კარიბჭეებში, იერუსალიმო!

³იერუსალიმი ნაგებია, როგორც ქალაქი ერთად შერწყმული.

⁴რადგან იქ ავიდნენ ტომნი, ტომნი უფლისანი სამოწმებლად ისრაელისა, სადიდებლად უფლის სახელისა.

⁵რადგან იქ იდგა ტახტები სამართლისა, ტახტები დავითის სახლისა.

⁶ითხოვეთ მშვიდობა იერუსალიმისათვის; დამშვიდდნენ მოყვარულნი შენნი.

⁷იყოს მშვიდობა შენს ზღუდეებში, სიმშვიდე შენს სასახლეებში.

⁸ჩემთა ძმათა და მეგობართა გამო, ვამბობ: მშვიდობა შენ!

⁹ჩვენი უფალი ღმერთის სახლისთვის გისურვებ სიკეთეს შენ.