Read საპატრიარქო ფსალმუნები 135 Bible Online

ფსალმუნები 135 - საპატრიარქო bible

ფსალმუნები 135

¹ადიდეთ უფალი, რადგან კეთილია, რადგან უკუნისამდეა წყალობა მისი.

²ადიდეთ ღმერთი ღმერთებისა, რადგან უკუნისამდეა წყალობა მისი.

³ადიდეთ უფალი უფალთა, რადგან უკუნისამდეა წყალობა მისი.

⁴მარტოდმარტო მოქმედი დიდ საოცრებათა, რადგან უკუნისამდეა წყალობა მისი.

⁵ცათა შემქმნელი გონიერებით, რადგან უკუნისამდეა წყალობა მისი.

⁶დედამიწის განმვრცობი წყლებზე, რადგან უკუნისამდეა წყალობა მისი.

⁷შემქმნელი დიდი მნათობებისა, რადგან უკუნისამდეა წყალობა მისი.

⁸მზისა - სამართავად დღისით, რადგან უკუნისამდეა წყალობა მისი.

⁹მთვარის და ვარსკვლავებისა - ღამით სამართავად, რადგან უკუნისამდეა წყალობა მისი.

¹⁰რომელმაც განგმირა ეგვიპტე - პირმშოებითურთ, რადგან უკუნისამდეა წყალობა მისი.

¹¹და გამოიყვანა ისრაელი მათი შუაგულიდან, რადგან უკუნისამდეა წყალობა მისი.

¹²ხელით ძლიერით და მკლავით შემართულით, რადგან უკუნისამდეა წყალობა მისი.

¹³რომელმაც გააპო მეწამული ზღვა ნაჭერ-ნაჭერ, რადგან უკუნისამდეა წყალობა მისი.

¹⁴და გაიყვანა ისრაელი მის შუაგულში, რადგან უკუნისამდეა წყალობა მისი.

¹⁵და ჩაღუპა ფარაონი და მისი ჯარი მეწამულ ზღვაში, რადგან უკუნისამდეა წყალობა მისი.

¹⁶რომელმაც წაიყვანა ხალხი თვისი უდაბნოში, რადგან უკუნისამდეა წყალობა მისი.

¹⁷რომელმაც განგმირა მეფენი დიდნი, რადგან უკუნისამდეა წყალობა მისი.

¹⁸და დახოცა მეფენი ძლიერნი, რადგან უკუნისამდეა წყალობა მისი.

¹⁹სიხონი, მეფე ამორეველთა, რადგან უკუნისამდეა წყალობა მისი;

²⁰ოგი, მეფე ბაშანისა, რადგან უკუნისამდეა წყალობა მისი.

²¹და მისცა მათი ქვეყნები სამკვიდრებლად, რადგან უკუნისამდეა წყალობა მისი.

²²სამკვიდრებლად ისრაელს, თავის მორჩილს, რადგან უკუნისამდეა წყალობა მისი.

²³რომელმაც ჩვენი დამცირების ჟამს გაგვიხსენა, რადგან უკუნისამდეა წყალობა მისი.

²⁴და გვიხსნა ჩვენი მტრებისაგან, რადგან უკუნისამდეა წყალობა მისი.

²⁵რომელიც აძლევს პურს ყოველ ხორციელს, რადგან უკუნისამდეა წყალობა მისი.

²⁶ადიდეთ ცათა ღმერთი, რადგან უკუნისამდეა წყალობა მისი.