Read საპატრიარქო ფსალმუნები 146 Bible Online

ფსალმუნები 146 - საპატრიარქო bible

ფსალმუნები 146

¹ადიდეთ უფალი! რადგან კარგია განდიდება ჩვენი უფლისა, რადგან სასურველია, შეშვენის ქება-დიდება.

²ააშენებს იერუსალიმს უფალი, განდევნილებს ისრაელისას შემოკრებს.

³განკურნავს გულგატეხილებს და ჭრილობებს შეუხვევს მათ.

⁴დაიანგარიშებს ვარსკვლავთა რიცხვს, ყველას თავის სახელს უწოდებს.

⁵დიდია უფალი და დიდძალოვანი, მისი გონიერება განუზომელია.

⁶გაამხნევებს მორჩილებს უფალი, ბოროტეულებს დაამდაბლებს მიწამდე.

⁷გაეხმიანეთ უფალს სამადლობელით, უგალობეთ ჩვენს ღმერთს ქნარით.

⁸რომელიც ფარავს ცას ღრუბლებით, ამზადებს დედამიწისათვის წვიმას, აღმოაცენებს მთებში ბალახს.

⁹აძლევს პირუტყვს თავის საზრდოს, ყორნის ბარგყებს, რომელნიც მოუხმობენ მას.

¹⁰არც ცხენის ძლიერებას ისურვებს, არც კაცის მუხლმაგრობას ინებებს.

¹¹ისურვებს უფალი თავის მოშიშებს, მისი წყალობის მოიმედეებს.