Read საპატრიარქო ფსალმუნები 147 Bible Online

ფსალმუნები 147 - საპატრიარქო bible

ფსალმუნები 147

¹აქე, იერუსალიმო, უფალი; ადიდე შენი ღმერთი, სიონო!

²რადგან გაამაგრა ურდულები შენი ჭიშკრების, აკურთხა ძენი შენნი შენთან.

³დაამკვიდრებს შენს საზღვრებზე მშვიდობას, ხორბლის ყუათით დაგამაძღრისებს.

⁴ვინც წარმოავლენს თავის სიტყვას დედამიწაზე, ანაზდეულად გაიქცევა ნათქვამი მისი.

⁵წარმოგზავნის თოვლს მატყლივით, თრთვილს ფერფლით მიმოფანტავს.

⁶გადმოუშვებს სეტყვას პურის ნატეხებივით, მის სუსხს ვინ დაუდგება წინ?

⁷მოავლენს თავის სიტყვას და დაადნობს მათ; დაუბერავს თავის ქარს და გადმოდინდება წყალი.

⁸ამცნო თავისი სიტყვა იაკობს, წესები და სამართალნი თვისნი - ისრაელს.

⁹არ უქნია ეს არცერთი სხვა ერისათვის და მისი სამართალნი არ იციან მათ. ადიდეთ უფალი!